Timersornermik ilanngutassiisartoq: Sungiusaasup soraarsitaanera Nunatsinni isikkamik arsaannermut innarliivoq
- Nunatsinni isikkamik arsaannermut innarliivoq, Uju Petersen taama oqarpoq.
Tekle Gebrelululip soraarsitaanerata kingorna, nunanut allanut sungiusaasoq alla, Rene Olsen, aamma Kalaallit Nuananni Isikkamik arsaattartut Kattuffianni siulittaasoq John Thorsen isumaqataanatik tunuarput.
AAMMA ATUARUK Isikkammik arsaattartunut sungiusaasoq soraarsitsisoqarnera akerleralugu tunuartoq
- Taakkuuppullu Kalaallit Nunaanni isikkamik arsaanerup iluani sunniuteqarluartut, Uju Petersen oqarpoq.
Tunuartunili taakkungilaanngitsut, timersorneq pillugu ilanngutassiisartoq oqarpoq.
- Nunanut allanut unammisartuni aamma tunuartoqarpoq, Uju Petersen oqarpoq.
AAMMA ATUARUK GBU-mi siulittaasoq soraarsitsisoqareersoq tunuarpoq
Soraarsitsineq toqqissisimanngissutigigaat
Angutit isikkamik arsaallutik nunanut allanut unammisartut ilaata Nicklas Thorleifsenip arsaqatigisartagaatalu
sungiusaasup Tekle Ghebrelulip soraarsitaanera toqqissisimanartinngilaat.
- Toqqissisimanngitsupilussuuvugut nunanullu allanut unammisartuniiginnarnissarput nalornissutigalugu, nunanut allanut unammisartoq Nicklas Thorleifsen taama oqarpoq.
Tekle Gebrelulip soraarsitaanera nunani tamalaani aamma maluginiarneqarsimavoq.
Googlekkut ujarlipallannermi Nepalimi, Taiwanimi, Spaniami, Tuluit Nunaanni Danmarkimilu nittartakkatigut tusagassiuutit allaaserisimagaat takuneqarsinnaavoq.
