Assi: GBU

Futsalimik nunanut allanut unammisartut piareersartut

Nunatta futsalimik nunanut allanut unammisartuisa Sverigemi Nordic Cuppeqarnerani nunanit allanit maluginiarneqareerlutik nunat tamalaat unammiuaarnerinut marsimi Tjekkiemi pisussamut peqataasussanngorput.

Nunatta futsalimik nunanut allanut unammisartui Tjekkiami Generali Futsal Cuppimut peqataajartorlutik marsip qiteqqunnerani aallassapput. Nunatsinni Arsartartut Kattuffiat tusagassiorfinnut nalunaaruteqarluni taama ilisimatitsivoq. 

Generali Futsal Cup Tjekkiami ingerlanneqartussaq nunanut allanut unammisartut inuusuttortaannoortuuvoq, nalinginnaasumillu UEFA-mut ilaasortat kisimik peqataaffigisaraluarpaat. Nunarpulli EUFA-mut ilaasortaanngikkaluarluni qaaqqusaavoq, tamannalu Nunatta nunanut allanut unammisartuisa nersornartitaanerinik ersersitsivoq, GBU-mi siulittaasoq, John Thorsen, oqarpoq.  

- Taamatut periarfissiisoqarnera siulersuisut nuannaarutigaat. Generali Futsal Cuppimut peqataanissaq Nunatta arsarnermik aallutaqarfiulluarnerata arsaattartut kattuffiinit UEFA-mut ilaasortanit akuersaarneqarneratut ippoq, John Thorsen tusagassiorfinnut nalunaarummi taama allappoq.  

Nunanut allanut unammisartut sungiusaasuisa Tekle Ghebrelulip René Olsenillu unammisartut 34-t maannamut toqqarsimavaat. Nunarpullu sinnerlugu Tjekkiami unammisussat 16-it marsip aallartinnerani toqqarneqassapput. 

Unammisartullu 16-it ilaattut nunanut allanut unammisartut sungiusaasuinit toqqagaassagaanni unammisartunut piumasaqaatigineqartut arlaqarput. 

- Unammisartut inuusuttunut maligassiuilluartuunissaat pingaartinneqartupilussuuvoq, aamma sungisarnertik sukataarutigisariaqarpaat. Unammisartut sapaatit-akunnerannut 5-6-eriarlutik sungiusartarnissaat nunanullu allanut unammisartut sungiusaasuisa ingerlaavartumik misileraasarnerinik naammassinninnissaat piumasaqaataavoq, GBU taama allappoq.

Unammisartut unammiffiup avataani piumasaqaatit arlallit aamma naammassisariaqaraat, GBU-p siulittaasua isumaqarpoq.

- Unammisartut suliffimminnik ilinniakkaminnilluunniit paarsilluarnersut nakkutigeqqissaarneqartarpoq. Aamma unammisartut peqqissumik inooriaaseqarnersut fiisterpallaannginnersullu nakkutigineqartarpoq, John Thorsen KNR-imut taama oqarpoq. 

Kalaallit unammisassaat ukuupput:  

Tjekkiets U21 Futsal landshold

Tjekkiets U19 Futsal landshold

Ungarn U19 Futsal landshold

Slovakiet U19 Futsal landshold

1 liga hold fra Tjekkisk liga

Unammisartut 16-it akornanniinnissaminnik ilungersuuteqartussat tassaapput:
1 Loke Svane 
2 Malik Hermarij
3 Nathan Møller
4 Maasi Maqe
5 Frederik Funch 
6 John Ludvig Broberg
7 Ari Hermann
8 Malik Juhl
9 Markus Jensen
10 Niklas Thorleifsen
11 Nick Reimer
12 Anders H Petersen
13 Lars Erik Reimer 
14 Kaassannguaq Zeeb
15 Katu Madsen
16 Søren Kreutzmann
17 Elisæus Aminak
18 Nikki Petersen
19 Malik Mikaelsen
20 Brian Kleist 
21 Lars Peter Broberg
22 Ittukusuk Isaksen
23 Erni Tellesen
24 Kuno E. Petersen
25Aqqalu O. Larsen
26 Karl Peter Street
27 Kuluk Hermansen
28 Hans karl Berthelsen
29 Aputsiaq Olsen
30 Ado Løvstrøm
31 Aabilinnguaq Sandgren
32 Peter Leibhardt
33 Inuk Knudsen (DK)
34 Johan Bidstrup
Unammigiaqataasussat 16-it martsip arfernani toqqarneqassapput.

Isummersuutit

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!