Assi: EJ Hersom/Flickr Creative Commons

Folketingimi Kalaallit Nunaat pillugu ataatsimiititaliaq Pituffimmut paasisassarsiulersoq

Folketingip Kalaallit Nunaat pillugu ataatsimiititaliaani ilaasortat, Pituffimmut oktobarimi paasisassarsiussapput, tassani Kalaallit oqartussat amerikamiunit ilisimatinneqartannginnerat akuersaarneqarsinnaanngitsoq paasisassarsiornermi qulequtaritinneqarluni.

Aleqa Hammond, Folketingimilu kalaallit nunaat pillugu ataatsimiitsitaliami ilaasortaqataalu Pituffiliartussanngorput.

- Piffissami kingullertigut amerikamiut Nunatsinniinnerminni amerlasoorpassuartigut toqqortorpaluttumik pissusilersornerat matoqqasumillu sutigut tamatigut ingerlatsineri akuersaanngitsorujussuuvarput, isumaqaratta nunat suleqatigiit nunallu imminnut ataqqisut iluminni ammasumik pissusilersortariaqartut, Folketingip Kalaallit Nunaannut tunngasunut ataatsimiititaliaani siulittaasoq, Aleqa Hammond, taama oqarpoq.

AAMMA ATUARUK Kalaallit Nunaat pillugu ataatsimiititaliap nunanut allanut ministeri isumasioqatigerusukkaa

Pituffimmi raadarit nutarterneqartussanngorneri Nunatsinni oqartussat amerikamiunit akuliutsitsinnginnerat ataatsimiititaliamit ippigineqarpoq. Susassaqartullu, tassa Nunatsinni naalakkersuinikkut ingerlatsisut, minnerpaamik ilisimatinneqartarnissaat ataatsimiititaliamit neriuutigineqarluni.

- Arlaannaatigulluunniit apeqqusinngilarput nunarsuatta eqqissisimanissaanut tunngatillugu amerikamiut sulinerat, uangullu ilanngulluta, aaamma illersuineri apeqqusinnginnatigu. Tamanna qulequtaanngilaq, quleqaataasorli tassaavoq, eqqissisimanissap aqqani Kalaallit ilisimatinneqartannginnerisa akuersaarneqarsinnaannginnera, Aleqa Hammond oqarpoq.

Folketingip Kalaallit Nunaat pillugu ataatsimiititaata danskit nunanut allanut ministeriat, Anders Samuelsen, amerikap Pituffimmut tunngatillugu isumasioqatigineqarnissaa suli ullulerneqanngikkallarpoq. Ataatsimiititaq tulliani ataatsimiissaaq oktobarip sisamaanni.

AAMMA ATUARUK Nutarteriniarnermi paasissutissiinnginneq isumaqatigiissutaasimasunut unioqqutitsisoq

 

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!