Aalisarnermi suliffeqarfissuit: sulinermi atugassarititaasut misissuiffigineqassapput
Polar Seafood, Royal Greenland aamma Halibut nutserisunut, sulisullu 1000-it misissuinermi peqataasut taartissaannut aningaasaliissapput. Nunatsinni sulisitsisut allaffeqarfianni pisortaq Karsten Lyberth Klausen oqaluttuarpoq.
Aamma atuaruk Bankimi pisortaq: Sinneqartooruteqartariaqaraluarpoq
- Suliniummut tamakkiisumik tapersersuissapput, oqareerpullu nutserisunik inunillu misissuinermi atugassaannik piareersimatitsiniarlutik. Sulissuttaaq misissorneqarnermi nalaani sulinngiffeqartinneqassapput. Suliffiummi nalaani missuinerit ingerlanneqassapput, inuussutissarsiortut tamanna assut eqeersimaffigaat suliniummullu tamakkiisumik tapersersuillutik, GE-meersoq Karsten Lyberth Klausen KNR-imut oqarpoq.
- Sulinermi atugassarititaasut pitsaasuussapput, qulakkiissavarpullu sulisunut najoruminartuusnissaa. Taamaalilluta aalajaannerusunik sulisoqalissaagut, annerusumik tunisassiorluta naggataagullu iluanaarutitsigut malunniutsillugu.
Aamma atuaruk GE: Kiilumut akitsuusiineq pitsaaneruvoq
Herningimi nunap immikkoortuani suliamut avatangiisinullu tunngatillugu nakorsaq Kurt Rasmussen suliniummik ingerlatsisuuvoq, taassumalu nuannaarutigeqaa suliffissuaatillit peqataammata:
- Suna tamaat aaqqissuutissavaat. Tassami pisariusortaqarpoq, suliffissuarmi ataatsimi sulinerunngilaq, sinerissamili suliffissuarni, taamaattumik tamakku ornigartassavakka. Sulisartut napparsimmavinni misissorneqassanngillat. Sulisitsisut akiligaannik suliffiup nalaani misissorneqartassapput. Taamaattumik misissuinermi sulisut peqataanerat hunnoruju procentit pallikkumaarpaat. Misissuineq ingerlakkuminarnerussaaq pitsaalluinnarlunilu.
Aamma atuaruk Akitsuusersuiniarneq erseqqarinnerusoq ujartorneqarpoq
Nunatsinnili peqqinnissaqarfik aalisarnerup iluani suliffissuarni misissuinermi aamma ilanngunneqassaaq:
- Nammineq oqarput ilisimasaqarpiaratik. Oqarpullu misissuinissaq pisariaqatinneqaqisoq. Matumanilu nakorsat nunatsinneersut peqataatinneqassasut. Takorloorparalu nakorsat inuusuttut ilinniarnerminnut atasumik uani peqataanermikkut ilisimatusariaatsit misilissinnaammatigit. Siunertaavoq nakorsat kalaallit peqataatinneqarnissaat, misissuinermi aqutsisuusussaq Kurt Rasmussen KNR-imut taama oqarpoq.
