Ernumassuteqarnerit niuernermik taamaatitsiinnartitsisut
Taamaannerili Royal Arctic Linemut quarsaarutaasimanngilaq, umiarsuaaqqammi taamaattut marluk ukioq kingulleq pisiarinissaasa taamaatinnerannut tamannarpiaq peqqutaavoq.
- Aap, oqaatigilluaannarlugu - umiarsuaaqqat atuuffissaminnut naleqqutissanerannik apeqqut taamaatitsinermut peqqutaavoq, Royal Arctic Linemi pisortaq, Verner Hammeken oqarpoq.
Royal Arctic Linep umiarsuit nunaqarfiliartaatissat sisamat nutaat Polenimi amutsivimminngaanniit Remontowamiit 2013-imi imissutigisimagaluarpai 2015-imi tunniussasssanngorlugit. Umiarsuilli kinguartoorutigineqarput, umuarsuaateqarfimmulli Namminersorlutik Oqartussanit pigineqartumut tamanna nalaatsoornermi iluatsitsineruvoq.
AAMMA ATUARUK Niuernerput iluarisimaarnarpoq
Hammekenip Nunaqarfiliartaatissatut inniminerneqarnikuugaluartut sooq taamaatiinnarneqarsimanerat aatsaat siullermik nassuiaateqarfigaa - oqaluttuaq juunip qaammataani 2016-imi umiartortut nutaarsiassaqartitsiviata Maritime Danmarkip kinaassutsiminnik isertuussisut nalunaaruteqareerneratigut allaaseraat, Royal Arctic Linep umiarsuit marluk polenimiut amutsivianit Remontowa Shipbuildingimit piniariniakkatik taamaatiinnarsimagaat.
Nunaqarfiliartaatit nutaqarfinnut angivallaartut
Umiarsuit sanaartorneqarmata ajornartorsiut Royal Arctic Linemiit ilisimaneqarpoq, umiarsuilli nunaqarfiliartalermata ajornartorsiut anneroqisoq paasinarsivoq.
Tassalu umuiarsualiortut kingusinaalermata Royal Arctic Linep umiarsuit kingulliit marluk pisiarinissaannut taamaatitsiinnarneranut tamanna pissutaavoq.
AAMMA ATUARUK RAL-imi pisortap kukkusoqarsimanera nassuerutigaa
Royal Arctic Line umiarsuit nunaqarfiliartaatinik nutaanik sanaartortitsitsiniarluni maanna inniminniinnermik allartisivoq, kukkuluttoqqinnginniassagamilu mikinernik maanna pissarsiorpoq:
- Takusinnaavarput Upernavimmi Uummannamilu aalisakkanik avammut tunisassiortut qerititsivitik imaqannginniassammata, umiarsuarnik tulapallallutik palletsinik avalaassipassinnaasunik pisariaqartitsisut, pisortaq oqarpoq nangillunilu:
AAMMA ATUARUK Nyt bygdeskib for stort til bygdesejlads
RAL-ip umiarsuit ajornannginnerusut ujartorpai
- Taamaammat umiarsuarni ilutsinik ilisimaneqartunik toqqaavugut, taakkualu umiarsuait taamaatiinnakkagut taarsissavaat, Royal Arctic Linemi pisortaq, Verner Hammeken, oqarpoq.
Umiarsiaaqqat nunaqarfiliartaatissat 2019-imi tikissasut ilimagineqarpoq, Royal Arcitic Lineli ukioq manna februaariuinnartoq umiarsuaatitaqqissaaq.
Tassa containerinik assartuut Malik Arctica, Royal Arctic Line-p polinimiunut Remontowamnut sanaartortitaasa pingasut kingullersaat.
