Erngup errortuivikup ajornartorsiutaanera ilisimatuut aaqqiissutissarsiorfigigaat
Pernille Erland Jensen Qeqqata Kommunia suleqatigalugu erngup errortuivikup ajornartorsiutaaneranik ilisimatusarpoq. Taanna ukiuni arfineq-pingasuni DTU-p Issittumi Teknologimik misissuisoqarfinni ARTEK-imi atorfeqarpoq, Sisimiunilu ’anaqarfimmut’ tunngatillugu ajornartorsiutaasunik misissuisimalluni.
- Imeq anartarfinnut errortuivikoq imaanut toqqaannartumik kuutsinneqareernerani imaani imerpalaninngortinneqarsinnaasuuppat ajornartorsiutaassanngikkaluarpoq
Imerli errortuivikoq imaata tininnerani kangerlummut qanitarisaaniittumut katersuuttarpoq, tassanilu umiatsiaaqqat kisaqqasarput qajartortartullu peqatigiiffianni ilaasortat kangerlummi tassani qaannamik kinngusaqattaarlutik aamma sungiusartarput. Maajunnarluni peqqissutsimut akornutaasinnaavoq, Pernille Erland Jensen atuagassiamut Polarfrontenimut oqarpoq.
AAMMA ATUARUK "Sukkulaatiliorfik" alakkaruk
Tamannali Danmarkimitullu imermik minguttumik saliiveqarnikkut aaqqiissutissarsiffigineqarnissaanngilaq.
- Eqqakkanik naggorissaatissiarineqartunik qerititsisarnerup pitsaasumik sunniuteqartarnera ilisimatusarnitsinni paasivarput. Tamannalu pingaartumik ukiuunerata nalaani qerisinnarlutik aakkaangata sunniuteqarnerusarpoq, napparsimalissutaasinnaasut ikisilisarmata eqqakkallu naggorissaatissiarineqartut minguinnerulertarlutik, ilisimatooq nassuiaavoq.
Eqqakkat tunillaassuutsitsisinnaaneri annikillisarniarneqarpoq
Anarisartakkavut siornatigut ulorianaateqarsinnaasunik siornatigut akoqartanngikkaluarput, maannali allaanerusunik nerisaqalernitsigut, soorlu akuutissanik arrortinneqarsinnaanngitsunik nakorsaatinillu pinngortitamik mingutsitsisinnaasunik maanna akoqalersimapput. Taamaammat ilisimatusarfigineqarnissaat pingaaruteqarpoq.
Akuutissat atorlugit saliivimmik inerisaanissarput siunertaraarput, taannalu ima pitsaatigisariaqarpoq UV-mik qinnguartaanikkut napparsimalissutaasinnaasut piiarneqartassallutik tunillaassuutsitsisinnaanerat annikillisillugu, Pernille Erland Jensen oqarpoq.
ARTEK Aarhusimi Universiteti suleqatigalugu Kangerluarsunnguami uilluni assagiarsunnilu uumassusilinnik tappiorannartunik nassaarsimapput. Uumassusillit tappiorannartut taakku antibiotikamut akiuussinnaassuseqarput, taamaammat inuit taakkuninnga tunillanneqaraluarunik aamma akiuussutissaqarsinnaassanatik
