Politikki

TAKSØEP NALUNAARUSIAA Ilisimatooq: Nalunaarusiaq Kalaallit Nunaannut periarfissiilluarpoq

Taksøep nalunaarusiaa oqaluttuarisaanermut sunniuteqarumaartoq nunatsinnullu iluaqutaajumaarluni, franskeq ilisimatooq, Damien Degeorges, isumaqarpoq. Taassuma nunarput issittumi inissisimanera pillugu ilisimatusarfigalugu allaatiginikuuaa.

Allattoq Thomas Munk Veirum, Sara K. Jakobsen

maajip 04-at 2016 07:00

- Nalunaarusiaq oqaluttuarisaanermi nikeriarfittut taaneqarsinnaavoq, issittoq Naalagaaffeqatigiit nunanut allanut tunngasunut sillimaniarnermullu politikkianni qitiulluinnartumik inissinneqarmat, Damien Degeorges oqarpoq.

Taanna Reykjavikkimi siunnersortitut atorfeqarpoq nunattalu issittumi inissisimanera pillugu ilisimatusarluni 2012-imi Frankrigimi universitetimi Paris Decartesimi allaatiginikuuaa.

Aamma atuaruk Vittus: Taksøep nalunaarusiaa annilaarnarpoq

Nalunaarusiami innersuussutitigut Danmarkip Kalaallit Nunaatalu issittumik nittarsaalluarnissaannik periarfissinneqartut, ilisimatooq naliliivoq.

- Piffissami matumani soqutigisalippassuit issittumi aningaasaliisinnaasussarsiorlutik pagganneranni Kalaallit Nunaata Danmarkillu isumaliortaatsit aporfiginagit suleqatigiinnissaat pingaaruteqarpoq, Damien Degeorge erseqqissaavoq.

Aamma atuaruk Illersornissaqarfiup Issittumi suliniutai nukittorsarneqarlik

Aamma atuaruk TAKSØEP NALUNAARUSIAA Issittumut tunngasut uani atuakkit

Ilisimatuutut misissuinermut nunatsinni naapiffeqartariaqartoq Taksøep nalunaarusiaani ilaatigut allaatigineqarpoq, tamannalu tunngavissaqarluinnartoq ilisimatooq isumaqarpoq.

- Ilisimatuutut misissuinermut naapiffimmik pilersitsisoqarpat, taava kunngeqarfik tamarmi imminut naalagaaffinnut allanut attaveqartitsisutut avammut saqqummiussinnaalissaaq.

Tamannarpiarlu Taksøep nalunaarusiamini innersuussutaa.

Ataatsimeersuarnernut, oqaluuserisanik sammiviliiffiusunut, qaaqqusisutut inissittarneq aamma Danmarkimi, Kalaallit Nunaanni Savalimmiunilu nunani tamalaaneersunik ataatsimersuartitsinerit periarfisaapput siulliit, aammali allat ataatsimeersuartitsinerini pisunilu assingusuni akuulluartarnissaq salliutinneqartariaqartut, nalunaarusiami allaaseraat.

Aamma atuaruk TAKSØEP NALUNAARUSIAA Illersornissaqarfiup Issittumi suliniutai nukittorsarneqarlik

Naalakkersuisup Vittus Qujaukitsup nalunaarusiaq isornartorsiorpaa, oqaatigalugulu Nunatsinnit pingaartinneqartut nalunaarusiami soqutaatinneqarpiarsimarpasinngitsut. Taamatulli oqarnera Damien Degeorgep isumaqatiginngilaa.

- Kalaallit Nunaata nunarsuarmioqataanera isigigaanni nunanullu allanut tunngatilugu, assersuutigalugu Frankrigimut atasumut Ny Kaledoniamut, sanilliullugu iliuuseqarsinnaanerujussuuvoq, Damien Degeorge oqarpoq, erseqqissaatigaalu Ny Kaledonia namminersulivikkiartuaarmat Kalaallit Nunaannut sanilliunneqarsinnaasoq.

Aamma atuaruk TAKSØEP NALUNAARUSIAA Illersornissaqarfiup Issittumi suliniutai nukittorsarneqarlik