Dudo aamma Povl Brandtip Aningaasaateqarfiat ilinniagartunut legatinik agguaassisoq
![Studerende (arkivfoto)](/sites/default/files/styles/image_934x467/public/article_images/studerende_2011_630_0.jpg?itok=vhqdJlrp)
Aningaasaateqarfik 14,5 millionit koruunit missaannik aningaasaateqartoq, 2014-imi naatsorsuutiminik aamma saqqummiussivoq. Aningaasaateqarfik ilinniartunut 180-it missaanniittunut katillugit 1,6 millionit koruuninik siorna tapiissuteqarpoq. Aningaasaateqarfik maanna 14,5 millionit koruunit missaannik aningaasaateqartoq, ukiuni tulliuttuni ilinniagaqartunut tapiissuteqartassaaq.
AAMMA ATUARUK Aningaasaateqarfiup pilersinneqarnera nuannaarutigaat
Tusagassiuutinut nalunaarummi oqaatigineqarpoq, qinnuteqartartorpassuit Aningaasaateqarfimmit nuannaarutigineqartaqisut, aningaasaateqarfimmillu maluginiaritsik ilinniartut qinnuteqartartut angusaasa qaffasissusaat ajunngitsut ilinniarusussuseqarluartullu.
Qinnuteqartartut amerlanersaat Ilisimatusarfimmi qallunaalluunniit universitetiini ilinniarfinnilu qaffasinnerusuni ilinniagaqartuusarput.