Aviisi: Danskit naalakkersuisuisa Issittumut tunngasunut aallunneruniaraat
Aviisi Jyllands-Posten, danskit naalakkersuisuisa nunanut allanut sillimaniarnikkullu ukiuni tulliuttuni iliuusissatut pilersaarutaannik pissarsisimasoq taama allaaserisaqarpoq.
Danskit naalakkersuisuisa ilaatigut Nunatta Savalimmiullu avammut nioqquteqarnerat takornariartitsinerallu siuarsaaqataaffiginiarpaat, Nunatsinnilu nunat tamalaat ilisimatusarnikkut isaariassaannik pilersitsinissamut periarfissanik misissuiniarlutik.
Aamma ujaasisarnerup annaassiniartarnerullu nukittorsaavigineqarnissaanut nakkutilliineq annertusarniarneqarpoq. Tamannalu Folketingimi amerlanerussuteqartut isumaqatigiissutigereerpaat.
Iliuusissami suliniutiginiarneqartut Taksøep nalunaarusiaani siunnersuutigineqartunut, ukioq ataaseq matuma siorna saqqummiunneqartunut naapertuupput, Issittup aallunneqarnerunissaa tamatumani pingaarnertut siunnersuutigineqartuni ilaammat.
AAMMA ATUARUK Issittumut tunngasut uani atuakkit
Issittumut tunngasut iliuusissami suliassaqarfiit pingaarnerit tallimat ilaattut inissisimapput. Aamma nunanik Østersømut sinerialinnik suleqateqarneq Danmarkillu Moskvami, USA-mi, Bruxellesimi, Parisimi Londonimilu sinniisoqarfii nukittorsarneqassapput.
Nunanut allanut sillimaniarnermullu pilersaarut danskit naalakkersuisuisa sapaatit-akunnerata tulliani pisortatigoortumik saqqummiutissavaat.