Danskit inatsisaata eqqunniarneqarnera GE-p isornartorsioraa
Sulisitsisut Namminersorlutik Oqartussanut tusarniaanermi akissuteqarlutik erseqqissaatigaat, pisortat ingerlatsinerat pillugu paasitinneqarsinnaatitaaneq pillugu danskit inatsisaata Danmarkimi 2014-imi atortuulersinneqarnerata kingorna, danskit oqartussaasuinut tunngatillugu ammanerusumik ingerlatsinermik kinguneqarsimanngitsoq.
Paarlattuanilli suliat arlallit avammut nalunaarutigeqqusaasimanngillat, taama isornartorsiuipput. Tamannalu tusagassiortup Jesper Tynellip ilaatigut atuakkiamini "Mørkelygten"-imi aamma ersersippaa.
Taamaammat sulisitsisut peqatigiiffiata GE¬-p siunnersuut tapersersorsinnaannginnerarpaa.
AAMMA ATUARUK KNR tusarniaasoqarmat akinngitsoortoq
- Suliani Kalaallit Nunaannut tunngassuteqartuni malittarisassat taakku atuutsinneqarnissaasa akuersissutigineqarnissaat pinngitsoortinngikkaanni, suliat taakku Naalagaaffiup oqartussaasuinit avammut nalunaarutigeqqusaanngitsutut aalajangiiffigineqarartarsinnaapput, sulisitsisut peqatigiiffianni GE-mi inatsisitigut siunnersorti tusarniaanermut akissuteqaammi taama allappoq.
AAMMA ATUARUK Inatsisissaq tusarniaassutigineqartariaqaraluarpoq
Pisortat ingerlatsinerat pillugu paasitinneqarsinnaatitaaneq pillugu danskit inatsisaata atortuulersinneqarnissaanik siunnersuut danskit Nunatsinni suli akisussaaffigisaata iluaniinnaq atuutissaaq. Susassaqarfinni Nunatta oqartussaaffigilersimasaani sulianut tunngatillugu Nunatsinni pisortat ingerlatsinerat pillugu paasitinneqarsinnaatitaaneq pillugu inatsit suli atuutissaaq.
Siunnersuutip Inatsisartut upernaakkut ataatsimiilerpata oqaluuserineqarnissaa naatsorsuutigineqarpoq.
AAMMA ATUARUK Politikerit arajutsisut
AAMMA ATUARUK Kielsenip inatsisissatut siunnersuut tunuartikkaa