Ilinniarneq

Danmarkimi ilinnialerusuttut ullumi akissutisipput

Nunatsinneersut inuit arlallit Danmarkimi ukiaru ukioruluunniit ilinnialernissamut akuerisaasimanerlutik ullumi e-mailissutigaat.

Allattoq Helle Nørrelund Sørensen

juulip 30-at 2015 13:33

Nutserisoq Simon Uldum -

Danmarkimi ilinniartoqarfiit Danmarkimi, Nunatsinni Savalimmiunilu inunnut 90.000 missaannut Danmarkimi ilinnialernissamik qinnuteqaateqarsimasunut e-mailimik nassitsisimapput.

Katillugillu 65.000-it missaat akuerisaapput, qinnuteqartullu sisamaagaangata ataaseq akuerisaanngitsoorluni.

Aamma atuaruk Danmarkimi ingerlaqqiffiusumik ilinniagaqarnissamik qinnuteqartut 65.298-it akuerineqartut

Nunatsinneersut qassit Danmarkimi ilinnialernissamut akuerisaasimanersut erseqqissumik oqaatigineqarsinnaanngikkallarpoq. Ilinniartoqarfiimmi assigiinngitsut qinnuteqartumut toqqaannaq akissuteqartarput, qinnuteqartullu kingorna ilinniartoqarfimmut Kalaallit Illuutaannullu nalunaartussaapput ilinniakkamik aallartitserusunnerlutik.

Qasserpiaat ukiaru ilinniakkamik aallartissanersut Ilinniartitaanermut, kultureqarnermut, ilisimatusarfimmut ilageeqarnermullu naalakkersuisoqarfiup aggustip qiteqqunnerani oqaatigisinnaassallugu naatsorsuutigaa.

Aamma atuaruk Nunani allani ilinniarsinnaasut ikilisinneqarput

Aamma atuaruk Eqqagassat pillugit ilinniarneq nutaaq