Danmarkimi atuartut Nunarput pillugu ilinniartinneqartut
Ilisimasassarsiussaagut. Danmarkimi aallartissaagut nunatsinnullu timmisartorluta.
Atuartut Norsamiinngikkaluartut Kangerlussuup tungaanut ingerlaanngikkaluarlutik Danmarkimi atuartitsivimmiiginnassapput, nunarput pillugu paasisassarsiorlutik.
- Aallartissutigissavarput oqaluttuaralugu qanoq nunarput Danmarkimut sanilliunneqarsinnaanersoq, aamma Kalaallit Nunaata immikkoortortai oqaluttuarineqalaarumaarput. Kalaallit Nunaata sermersua qanoq annertutiginersoq qanorlu angalasoqartarnersoq.
- Nunami Oslomit Amerika Avannarlermut angitigisumi innuttaasut Dragørimi innuttaasut sisamariaataannaannik amerlanerupput.
Aamma atuaruk Naalagaaffeqatigiinnerup atuartitsissutigineqarnissaa danskit ministeriata kissaatigaa
Inuusuttut ilisimasakippallaartut
Gregers Gjersøe nunatsinnik nuannarinnittuuvoq timmisartortartuunermini nunatsinnut angalasarsimagami. Kisianni Sermersuaq qulaaninngaanniit 1999-imi tamaat takusimasinnaanngilaa, kitaaniimmi kangianut sermersuaq itivissimavaa, nunalu nuannareqisani inuusuttunut ilisaritikkusuppaa.
- Meeqqama Kalaallit Nunaat pillugu ilisimasakippallaarnerat misiginikuuara. Nuna pillugu isummerfigissagaanni pissutsit qanoq ataqatigiinnersut ilinniarneqartariaqarput.
- Kalaallit Nunaanni illoqarfik pingaarneq qanoq ateqarnersoq arlassi nalunngilaa?
Polarskole ulluni sisamani ingerlanneqartarpoq, pinerillu tamaasa inuusuttut Nunarput issittorlu pillugu paasisaqanerusarput.
- Annertusiartortissavarput. Paasitikkusuppakka aningaasaqarnikkut qanoq ataqatigiinnersut.
Aamma atuaruk Kalaallit Nunaat pillugu ilinniartitsisarnerup sukateriffigineqarnissaa siunnersuutigineqarpoq
Inuusuttoqatitik immikkut sammigaat
- Aalisarneq inuussutissarsiutit pingaarnersaraat. Kalaallit Nunaata isertitaata 90 procentii aalisarnerminngaanneerput.
Kalaallit Nunaat pillugu atuartitsinermi aamma kalaallit inuusuttaasa oqaluttuarinissaat Gregers Gjersøemut pingaaruteqarpoq.
- Danmarkimi Kalaallit Nunaannilu 7-klassit assigiinngissusaat annertuallaanngilaq. Nuummukarussi takussavarsi inuusuttut assinganik atisaqartut. Iphoneseqarput iPadseqarlutillu.
Akunnerit marluk qaangiummata Polarskolimi ulloq siulleq naammassilluarpoq. Jonas, Valdemar Jonathanilu nalunngilaat anguniagartik angulluarsimallugu.
Tea Annalu tulliani ilikkagaqaqqinnissaminnut qilanaarput.
- Ilikkagaqaqqinnerulluta, ullumikkut assut pissanganarpoq.
7. klassimi atuartut 700-t maannamut Polarskolertinneqarsimapput.