Corbyn Labourip siulittaasuatut qinerneqaqqittoq

Jeremy Corbyn tuluit sulisartut partiianni 313.209-nit qinerneqarluni siulittaasutut qinigaaqqippoq. Taassumalu unammillertia, 46-nik ukiulik Owen Smith, 193.229-nit qinerneqartoq, Reuters allappoq.

67-inik ukiullip Corbynip qinersisut 61,8 procentiinit qinerneqarpoq, Smithilu 32,2 procentinit qinerneqarluni.

Qinersinerullu inernera Liverpoolimi arfininngornerup ullaavani saqqummiunneqarmat Corbynimut tapersersuisut qiimmattarput.

Partiit siuttuinut qinersisoqaraangat kamaammertoqarsinnaasartoq, tamannalu narrutsatsitsisarsinnaasoq avissaartuutsitsisinnaasorlu Corbynip qinigaanerminut atatillugu sivikitsumik oqalugiarnermini oqaatigaa.

- Oqallinnerni kissaammernartuni oqaatigisagut peqqissimissutigigajuttarpagut. Ataatsimoorussagut avissaartitsisinnaasunit amerlanerujussuupput, Corbyn oqarpoq.

Qinersinerup kingorna Larbourimi avissaartuuttoqaannarnissaa piolitikkikkut malinnaasut siulittuutigaat.