Burkina Fasomi neriniartarfik saassunneqarmat 18-it toqutaasut
Islamisiortut ingasaassiniat Burkina Fasop illoqarfiisa pingaarnersaanni Ouagadougoumi neriniartarfiit ilaannik saassussimmata inuit 18-it toqutaapput. Burkina Fasomi attaveqaqatigiinnermut ministeri Remi Dandjinou, franskit nutaarsiassaqartitsiviannut AFP-mut taama oqarpoq.
k.
Asseq toqqorsivimmit. Burkina Fasomi illoqarfiit pingaarnersaat, Ouagadougou
Allattoq Ritzau
aggustip 14-at 2017 10:54
Nutserisoq Mads Lynge
Saassussisut marluk isumannaallisaaniaqatigiinnit aallaaneqarlutik toqutaapput.
Neriniartarfimmi, tyrkiamiunit pigineqartumi, toqutaasut akornanni nunanit assigiinngitsuneersoqartoq, attaveqaqatigiinnermut ministerip oqaatigaa, taakkunannga franskisut innuttaassusilik ilaalluni.
Takunnittut oqaluttuarnerat naapertorlugu saassussisut nerniartarfiup Aziz IStanbulip saavanut biilerlutik tamaani ippassaq unnukkut qulinut qiteqqunnerata nalaani apuupput. Neriniartarfimmiittut tungaannut taava eqqalerput.
Politiit sakkutuullu kingorna apuupput, AFP-llu tusagassiortuisa ilaata oqaluttuaraa eqqarpaluttoqalersoq.
Nuna piitsoq Burkina Faso Malimut Nigerimullu killeqarfeqarpoq, islamisiortullu ukiuni kingullerni saassussillattaasalersimalluti
