Brugsenimut pisiniartartut millionerpassuassaqartut

Aningaasat agguagarsiassat katillugit 9,5 millionit koruuniupput, pisinniarfiillu nalunaaqutaq qulinut ammarpata aningaasat tiguneqarsinnaallutik.

Brugsenimi pisortap Susanne Christensenip tamanna ilisimatitsissutigaa.

Kalaallit Nunaanni Brugsenimut ilaasortat pisiniartartullu siorna amerleriarsimasut, pisortap aamma oqaatigaa.

- Tamanna tunngavigalugu nunatsinni inuiaqatigiinnut aningaasaliiniikkut nutarsaanikkullu tunniusseqqissinnaalluta, pisortaq oqarpoq, ilanngullugulu oqarluni nutarterinissamut aamma aningaasassaqalersimasoq.

- Niuertarfigut arlallit nutartersimavagut, seqerngullu qinngorneranik innaallagissiuutinik sineriassami pisiniarfiit marluk pilersimallugit, Qinngorpumilu ukiup ingerlanerani pisiniarfimmik nutaarluinnarmik ammaassalluta, Susanne Christensen oqarpoq.

Aningaasat agguagassat 9,5 millionit koruuniit aatsaat taama amerlatigipput.

9 millionit koruunit ilasortanut siorna agguaanneqarput.