Gudrun sumiippa? Ujaaseqataaniartut matunut kasuttoqattaassapput
18-inik ukiulimmik Gudrun Sanimuinamik, novembarip ulluisa aqqaneq-aappaanni periarfeerunneqartumik Qaqortumi suli ujaasisoqarpoq.
Nammineq kajumissutsiminnik ujaaseqataasut, politiit, sakkutuut qatserisartullu ujaasinerisa saniatigut ujaasipput, Qaqortup illoqarfia tamakkerlugu ujaaseqattaaraluarput, kinguneqanngitsumilli.
AAMMA ATUARUK 18-inik ukiullip Gudrunip sumiinneranut takussutissaqanngivittoq
Ujaaseqataasullu Qaqortumi matunut maanna kasuttoqattaassapput. Tamanna arfininngornermi decembarip ulluisa qulingiluaanni ullaap tungaani nalunaaqutaq aqqanermiit ualikkut nalunaaqutaq marluk tungaannut, inersimasullu pisinnaasut periarfissallillu tamarmik peqataanissamut tikilluaqquneqarput.
Ujaaseqataaniartut kommunalbestyrelsip ataatsimiittarfiani naapissapput, Qaqortumilu matunut kasuttoqattaarnerat kingorna aallartissalluni.
AAMMA ATUARUK Mange mødt op for at lede efter Gudrun Sanimuínak
AAMMA ATUARUK Qulimiguullit, aqqartartut umiarsuillu Gudrun ujaarileruttoraat