Qaqortumi ujaaseqataasut amerlaneroqisut
Qaqortumi innuttaasut 18-inik ukiulimmik ujaasinertik sapaammi nangippaat.
18-inik ukiullip ujaarineqarnerani Qaqortumi namminneq kajumissutsiminnik ujaaseqataasut aqqaneq marluusut sisamanngornermi ujaaseqqaarput, takussutissarsisoqanngimmalli sulinertik ullumi nangippaat.
AAMMA ATUARUK 18-inik ukiullip Gudrunip sumiinneranut takussutissaqanngivittoq
AAMMA ATUARUK Innuttaasut 18-inik ukiulimmik ujaasinermi ikiuunnissaat politiit kaammattuutigeqqikkaat
Ujaaseqataasut 38-t
Ujaaseqataasut inersimasut maanna 38-upput. Amerlanerunerallu tupaallaatigigitsik, ujaasinermut ataqatigiissaareqataasoq Lea Pedersen oqarpoq. Illoqarfik Qaqortullu eqqaa maanna ujaasiffigaat, taanna oqarpoq:
- Sisamanngormat ujaasiffigineqartut ujaasiffigineqaqqipput, aput aannikuugami imaassinnaammallu takunngitsuugaqarsimasugut, ujaasinermik ataqatigiissaareqataasoq Lea Pedersen oqarpoq, nangillunilu:
- Ingerlatinniarsariinnassavarput neriulluta nassaarumaarluta. Illoqarfik tamakkerniarsarissavarput, ujaaseqataasoq Lea Pedersen KNR-imut oqarpoq.