Biilertut amerlasuut politiinit unitsinneqartut
Misissuinernilu paasineqartut naapertorlugit pisariaqarsimapput.
Biilertut arfineq-marluk sukkavallaarlutik akiliisitaapput, katillugit 29.500 koruuninik akiliisitaallutik. Sukkavallaarlutillu akiliisitaasuni tallimat biilersinnaanermut allagartaminnik arsaarneqarput.
Qaasuitsumi politiit tusagassiuutinut taama nalunaaruteqarput.
Biilit katillugit 53-it ajoquteqarneri amigaateqarneriluunniit pissutaallutik politiinit unitsinneqarput, biilertullu marluk qitequtaasamik isumannaallisaateqannginnertik pissutigalugu akiliisinneqarlutik.
Politiillu assingusunik iliuuseqarnissartik pilersaarutigaat.
- Angallannermut atatillugu Qaasuitsup Kommuniani assingusunik iliuuseqarnissartik, Qaasuitsumi politiit pilersaarutigaat. Aamma Ilulissani angallannermut angusamik toraagaqarluta misissuinissanik amerlanernik suliaqassalluta ammatiparput, Carl Sværd, Qaasuitsup Politiivineersoq oqarpoq.
