Biilertup kussinermut nakkarnera aqquserngit quasarnerannik peqquteqartoq
Nuummi aqquserngit quasarmata biilertut tamarmik mianersornerunissaat politiit kaammattuutigaat.
Allattoq Kenneth Elkjær
Nutserisoq Connie Fontain
Politiit naapertorlugit arnap biilertup biilimi ingerlanera aqussinnaajunnaarlugu, aqquserngup sinaanut nakkarluni pusinnera aqquserngit quasarnerannik aallaaveqarpoq.
- Arnaq tupassimavoq, ajoqusingaatsianngilarli, pingaartut pisortaat, Lina Davidsen oqarpoq.
Arnaq biilerluni Qernertunnguanit 400-ertalimmi nermallakkooriartortilluni ajutoorpoq. Politiit, ambulancit qatserisartullu ajutoorfiusumukaapput, akunnerulli affaata missaa qaangiutiinnartoq tungujortunik ikittaarnitik qamippaat ingerlaqqillutillu.
Politiit biilertut tamarmik aqqusinertigut quasattukkoortillugit mianersornissaannik kaammattuuteqarfigaat.