Canadap EU-llu killeqanngitsumik niuersinnaanermut isumaqatigiinniarnerat iluatsinngitsoq
Isumaqatigissuteqanngineq pillugu Freeland pakatsisorujussuulluni oqarpoq, periarfissatsialammillu atuilussinnarnerusoq oqarluni.
Nunat EU-mut ilaasortat tamakkerlutik ilungersoraluarput isumaqatiginniarnerillu ulloq unnuarlu tamaat ingerlanneqaraluartut belgiami naalagaaffiup ilaani Vallonimi inatsisartut niuernermut isumaqatigiissuteqarnissaaq
itigartitsissutigaat.
Nunat EU-mut ilaasortat avatangiisit peqqinnissarluni illersorniarlugit nutaanik malittarisassiorput tamatumalu kingunerisaanik Canadamiut suliffeqarfii nunanut eumut ilaasortanut suliassanngortitsinissaannut Valloniamiunit ilaatigut ernummatigineqarpoq.
Isumaqatigiissuteqartoqarpat Canadamiut nioqqutissaataat EU-mut tunineqartut akitsuutaat ukiuni arlaqartuni appariartortinneqassapput.
Assinganillu Eupamiut Canadamiullu suliffeqarfiutaat pissaaneqarnerulissapput nunat tamat niuernikkut atugassaritaannut tunngatillugu.
EU Canadalu niuernikkut isumaqatigissuteqarpata Kalaallit Nunaata Europamut tunisaqartarneranut ulorianartorsiornerussasoq nunanut allanut tunngasunut naalakkersuisoq Vittus Qujaukitsoq o qarpoq.
