Nunatsinni pissartanngorniuunnerit ukioq manna ingerlanneqarneranni gruppini unamminerni kingullerni arsartartut Nuummeersut B-67, Siuteroq 43-mut ajugaapput.
Taamaalillunilu unamminerit ingerlanneranni B-67 ajorsanngiivilluni. Gruppini unamminerni siullerni marlunni B-67-imi arsartartut 2-0-imik ajugaapput, ataasinngormallu arsaanneq aamma isertitsiffigineqanngiivillutik naammassillugu. Siuteroq 43-mut unamminermi 3-0-imik ajugaapput, taamaalillunilu B-67 pissartanngorniuunnermi ingerlaqqinnissaminut qulakkeerilluni.
Holdit arfineq pingasut pingasunngornermi unammisussaapput. Pissartanngorniuunnerit tamarmik KNR1-ikkut malinnaaffigikkit.
B-67-ip (aappaluttoq taartunik atisallik) Siuteroq 43-ullu (tungujortunik atisallik) unamminerannit KNR assinik katersivoq: