AWG-mi namminneq kajumissutsiminnik sulisussat pikkorissartinneqassapput
Arctic Winter Games 2016-ip ingerlanneqarnerani namminneq kajumissutsiminnik suleqataaniarlutik nalunaarsimasut tamaasa - Nunatsinni aaqqissussinerit anginersaannut peqataanermik saniatigut - immikkut ittumik akeqanngitsumillu pikkorissartinneqarnissaminnut periarfissinneqassapput.
Allattoq Inge S. Rasmussen
oktobarip 15-at 2015 11:35
Nutserisoq Simon Uldum -
Ilaatigut Kalaallit Røde Korsiata aaqqissugaannik ikiueqqaarnermik pikkorissaasoqassaaq aammalu Niuernermik Ilinniarfimmi tuluit oqaasiinik pikkorissaasoqassalluni.
Aammattaaq kiffartuussinerup iluani nalinginnaasumillu eqqiluisaarnissamut tunngasunik nutaanik piginnaasaqalernissaq periarfissaassaaq.
AAMMA ATUARUK VIDEO AWG 2016-imi takutitsisussanik ujarlerput
- AWG2016-imut atatillugu pingaartuuvoq inuiaqatigiittut innuttaasutullu Arctic Winter Gamesip kingorna atoqqissinnaasatsinnik ilisimasaqalernissarput, AWG2016-imi pisortamut tullersorti Arnakkuluk Kleist taama oqarpoq.
AWG2016-imi pikkorissartitsinissat uani atuarneqarsinnaapput.
