IA: Ataatsimiittarfissaq ullormi ataatsimi aalajangiiffigineqassanngilaq
Siunnersuut oqaluuserineqareernera pissutigalugu siunnersuut ullormi ataatsimi suliarineqarsinnaasoq, Inuit Ataqatigiit Inatsisartut siulittaasoqarfianni ilaasortaatitaata, Agathe Fontainip, ippassaq oqaatigigaluarpaa.
- Oqaluuserineqareernikuuvoq, paasissutissanik nutaanik ilaqanngilaq massakkullu naqissuseqqiinnagassaavoq. Taamaammat qanoq pisoqarnissaa Inatsisartut kisimiillutik aalajangersinnaavaat, taannalu inersuarmi eqqartorneqaleruni piumaarpoq, Agathe Fontain taama oqarpoq.
Siunnersuutilli ullormi ataatsimi siullermeerneqarnissaa aappaassaaneerneqarnissaalu Inatsisartut sukumiisumik suliarinninnissamut periarfissaannut ataqqinninnginnertut Inuit Ataqatigiinnit maanna taaneqarpoq.
Siunnersuutip ullormi ataatsimi suliarineqarnissaa Demokratininngaanniit aamma isornartorsiorneqarpoq.
Michael Rosingimi matoqqasumik suleriaaseqartoqartoq ippassaq oqarpoq.
Aamma atuaruk Ataatsimiittarfissaq pillugu ullormi ataatsimi oqallisissapput
Siunnersuutip ulluni assigiinngitsuni siullermeerneqarnissaa aappassaaneerneqarnissaalu Demokraatit piumasaraat, tamannalu pillugu Inatsisartut siulittaasoqarfiannut tallimanngormat saaffiginnipput.
Inuit Ataqatigiit Demokraatillu Inatsisartut siulittaasoqarfianni ilaasortaatitaat katillugit pingasuupput.