Arnat assammik arsartartut Puerto Rico-mi ingerlaqqipput
Kalaallit assammik arsarlutik nunanut allanut unammisartut Amerikap nunavittaani Panamerikami pissartanngorniunnermi Puertu Rico-mi ingerlanneqartumi ippassaq Martiniquemut unammillutik ajugaanerminni pissartanngorniunnissamut ingerlaqqipput.
Kalaallit unammisartuisa sungiusaasuanut ikiortip Johannes Grothip oqarnera malillugu unammineq naligiimmik ingerlanneqarpoq kalaallilli ajunnginnersumik arsarsimasinnaagaluartut Johannes Groth oqarpoq.
kalaallit saassussisartui tamakkiisumik arsarsimanngillat, unamminerullu ingerlanerani teknikkikkut kukkusat amerlavallaarsimallutik.
- Martiniquemiut illersuisui piffissap ilaani assersuilluartarput taakkualu ajornarsiutigiuaannarpagut , Johannes Groth oqaroq.
Kalaallit arnartaani isertitsinerpaavoq Mia Egede taanna arfineq marlunnik isertitaqarpoq Anja Heilmann sisamanik isertitaqartoq.
Kalaallit arsartui pissartanngorniunnissamut aqagu pisussami unammissavaat pissartanngortussatut ilimagineqartut Cuba-miut taakkua kalaallit arsartartui assigalugit unamminerit tamaasa ajugaaffigaat.
Cubamiunut unamminermi kalaallit pointinnappata, imaluunniit Puertu Rico Mexicomut unamminermi Puerto Rico pointinnappat, kalaallit arnartaasa unammisartui sapaatiuppat ajugaaniutivinnissamut peqataanissaq qulakkiissavaat.
Taamaakkaluartoq kalaallit assammik arsartartuisa 3nngorniussartik qulakkeereerpaat, arfininngorpat unammisut qanorluunniit inissikkaluarpata.
Ajugaaniutivinnerit sapaatiuppat unammissutigineqassapput, tassanilu paasineqassapput kikkut amerikap nunavittaani pissartanngorniunnissamut tasssa Pan Amerikanske Mesterskab-inut ingerlaqqissanersut, pissartanngorniunnerit maajip 20-ani Cubami ingerlanneqassapput.
