Arnaq kalaaleq puigortunngortoq Esbjergimi periarfeerunneqartoq

Arnaq kalaaleq puigortunngorsimasoq 75-inik ukiulik Esbjergimi periarfeerunneqartutut nalunaarutigineqarsimavoq. Syd- og Sønderjyllandip Politiivi taama ilisimatitsipput.
Rigspolitiet
Assi © : Rigspolitiet
Allattoq Helle Nørrelund Sørensen
februaarip 14-at 2017 06:20
Nutserisoq Simon Uldum -

Nutartigaq, nal. 8.14: Arnaq 75-inik ukiulik ajunngitsoq nassaarineqarpoq, politiit taama ilisimatitsipput.

Arnaq pineqartoq Esbjergimi Ulvevejimi angerlarsimaffimmini sapaatiummat ullup-qeqqata missaani ikiortimit angerlarsimaffimmut orniguttartumit kingullermik takuneqarpoq.

Politiit arnaq Esbjergip illoqarfianukarsimassangatippaat innuttaasullu qinnuigaat atortussaasiviit quillu misissoqqullugit.

- Arnaq siornatigut periarfeerunneqarsimavoq nassaarineqaramilu qaajungaatsiarsimalluni, taamaammat isumannarpoq, innuttaasunillu ulluni kingullerni takuneqarsimappat imaluunniit oqaloqatigineqarsimappat, taakku tusagaqarfigerusuppagut, Syd- og Sønderjyllandip Politiivini pigaartut ittuat, Erik Lindholdt, TV SYD-imut taama oqarpoq.

Arnaq 75-inik ukiulik 150 centimeterinik angissuseqarpoq nalinginnaasumillu isikkoqarluni. Taartunik nujaqarpoq qeeqartiterlunilu, pitsorittutut aamma oqaatigineqarpoq.

Syd- og Sønderjyllandimi politiit oqarasuaatikkut +45 114-ikkut attaveqarfigineqarsinnaapput.

 

 

 

 

Aamma atuaruk

Ritzau

Madonna Brasiliami Copacabanami tusarnaartitsimmat inuit 1,6 millionit tusarnaariartut

Issittumi Tunngaviusumik ilinniagaq sapaammi ammassasoq

Ilanngaaserisut hashi 2,3 kiilu timmsartumut nassataniittut nassaarigaat