Arnani siullersaalluni qinigassanngortittoq
USA-mi Demokraatit præsidentimut qinigassanngortitaat tassaavoq Hillary Clinton.
Tamanna nalaagaaffimmi Philadelphiami demokraatit partiaannni ataatsimeersuarnermi ippassaq unnukkut pisumi pisortatigoortumik nalunaarutigineqarpoq.
Taamaalilluni Hillary Clinton USA-p oqaluttuarisaanerani arnani siullersaalluni præsidentimut qinigassanngortippoq.
Aallaqqaammullu ilisimaneqarpoq præsidentiusimasumut nuliaasup nunanullu allanut tunngasunut USA-mi ministeriusimasup præsidentimut qinigassanngortinnissaa, unammillertiminut Bernie Sandersimut ilungersoreerluni, partiimi aallartitanit 2383-nit tapersersorneqarpoq, tassalu præsidentimut qinigassanngortinnissamut taasinerit pisariaqartinneqartut sinnerlugit taaneqarami.
Hillary Clinton Issittumi Siunnersuisoqatigiit 2011-mi Nuummi ataatsimeersuarneranni Nuummut tikeraarpoq.
Aamma atuaruk Hillary malittaalu Hotel Hans Egedemiissapput