Issittoq pillugu ilisimatuut neriulluarput
Issittoq pillugu immikkut ilisimasallit ataatsimeersuarneq sioqqullugu neriulluarput, naatsorsuutigigamikku ataatsimeersuarnernut allanut siusinnerusukkut pisimasunut naleqqiullugu uani angusaqarluarneqarumaartoq, aammalu nunap inoqqaavi pillugit suliat ukkatarineqarnerujumaartut.
Aamma atuaruk Vittus: USA-p silap pissusia pillugu isummani allanngortissimavaa
Cop21 sapaatit akunneri marluk qaangiuppata ammarneqassaaq sioqqulluguli neriulluartoqarpoq, nunarsuarmi tamarmi isumaqatigiissuteqartoqarnissaanut qanillisoqarnissaa pillugu.
- Neriuppunga taanna aqqutigalugu gasinik silaannarmik kissakkiartortitsisartunik aniatitsineq klimamullu sunniutai pillugit ukkanneqarnerussasut, klimap allanngoriartornerata Issittumut sunniutai pillugit suliniuteqartutut ilisimaneqartoq Sheila Watt Cloutier oqarpoq.
Aamma atuaruk Nukissiuuteqarnermut ministerip erngup nukinganik nukissiuuteqarfiit takornariarpai
- Isumalluarpunga neriuutigaaralu nunarsuarmi naalakkersuisut suliassatik amerlasuut suliarereersimassagaat. Isumaqarpungalu ataatsimiiffimmut nuannersunik pisoqarfiusimasumut iserumaarluta.
Watt-Cloutier pisortatigoortuunngitsumik klima pillugu ataatsimeersuaqataassanngilaq, peqataajumaarlunili klimap allanngoriartornera inuttaleriartorlugu.
- Silap pissusaata allanngoriartornera eqqarsaatigigaangatsigu sermip aakkiartornera uumasullu issittumiittut kisiisa eqqarsaatigisassanngilagut, aammali klimap allanngornerata issittormiunut sunniutai eqqarsaatigisariaqarpavut, Sheila Watt Cloutier CBC Newsimut oqarpoq.
Aamma atuaruk Nunani avannarlerni illoqarfiit pingaarnersaat COP21-mut ataatsimoorlutik nalunaaruteqarniartut