KNR Arctic Winter Games Kalaallit Nunaat tamakkerlugu siammarterneqarpoq
Isiginnaartut tusarnaatut atuisullu nunatsinnit tamanit nunarsuullu sinneranit aammaanersiorneq, timersuutit unammissutaasut, gallashowi, naggataarnersiornermilu nalliuttorsiortit-sinerit qummoroortarnersuarsiorfiusut malinnaaffigineqarsinnaasimapput, KNR-ilu tamakkiisumik Radio TV-kkullu katillugu akunnerit 127-it aallakaatippai, AWG-mit nutaarsiassat nutaffaariit knr.gl-imi atuisunut 41.271-inut siammarterlugit.
Sukumiinerusumik takussutississagaanni KNR Radiop akunnerit 27 ukiuunerani unammi-uaarnerit aallakaatippai, KNR TV-llu timersornerit kulturimullu tunngasunik aaqqiissussanit akunnerit 100t sinneqartut aallakaatillugit, tamatumani KNR1 aamma KNR2-mullu agguataarlugit aallakaatinneqarlutik. KNR.gl-imi ullormut agguaqatigiisillugu atuisut 18.000-iupput. nutaarsiassanik malinnaapput, videoklipinik inernerillu malinnaaffigalugit.
Timersornikkut kultureqarnikkullu ingerlatanit annersaasumit aallakaatitsineq KNR-ip suliarisimasaani annerpaasumit aallakaatitsineq ingerlanneqarpoq. Inuit sulisorisat ikittunnguugaluartut teknikkikkullu unammillernartoqarsimagaluartoq sulinermilu atugassarititat imaannaanngissimagaluartut ataatsimut isigalugu kusanarluin-nartumik sulianik naammassiviuvoq. Manna iluatillugu sulisunut tamanut suliarujussuarmik AWG ingerlanneqarnerani qasusuillutik takutitsimanerinut qutsavigerusup-pakka. Sulisut tanngassimaarnissamut tunngavissaqarluarput, KNRimi pisortaagallartoq Jan Berg oqarpoq.
YouTube atorneqarluavissorpoq
Isiginnaartartut Danmarkimiit Kalaallit Nunaani Canadamit USA-mit Norgemiillu nunanilu arlalinnit allanit KNR-ip YouTube kanalii atorlugit ukiuunerani unammiuaarnerit malinnaavigaat. Katillugit 78.075-erliarluni youtube atorneqarluni isiginnaarfigineqarpoq, katillugillu akunnerit 16.751 Arctic Winter Games-imeersunit isiginnaarnerit ingerlanneqarlutik.
Uagutsinnut pingaaruteqarsimavoq siammasissumik attaveqarnissarput, tamat ma-linnaatinneqarnissaallu pingaaruteqarsimavoq. Kisitsisillu nuanneqaat takullugit, si-unnerfigeqqaarsimasarput taperserneqarsimalluni, naggasiivoq pisortaagallartoq KNRimi Jan Berg.
Annerusumik paasisaqarnerorusukkuit KNRimi pisortaagallartoq Jan Berg tulliuttut atorlugit attavigisinnaavat oqarasuaat 36 15 00 imal. info@knr.gl
