Assi: Dan Weaver/Flickre Creative Commons

Amaqqut pillugit isumaqatigiinngitsut

Amaqqut eqqissisimatitaanerisa atorunnaarsinneqarnissaat Naalakkersuisut aamma Pinngortitaq pillugu nunarsuaq tamakkerlugu suliniaqatigiiffimmit WWF-mit isumaqatigiinngissutigineqartupilussuuvoq. Piniarnermut Naalakkersuisoq isumaqarpoq tamanna pisariaqartoq

WWF-ip siunnersuut tuaviuussaavallaartutut taavaa. Avanersuarmi piniartut piniartagaat qulakkeerneqariaqartut Piniarnermut Naalakersuisoq Karl Kristian Kruse oqarpoq.

Amaqqut amerligaluttuinnartut avanersuarmi takuneqartalerput.

Aalisarnermut Piniarnermullu Naalakkersuisup amaqqut eqqississimatitaaginnarpata avanersuarmiut piniartagaannut kingunerlussinnaanera ernummatigaa.

AAMMA ATUARUK Amaqqut eqqissisimatitaajunnaarnissaat nuannaarutigineqartoq

Eqqissisimatitaanerisa atorunnaarsinneqarnissaa WWF-imit isumaqatigineqanngilaq.

- Amaqqut qanoq amerlatiginerinik sumiinnerinillu ilisimasaqarani eqqississimatitaanerisa atorunnaarsinniarneqarnerat piniarnermut inatsimmik unioqqutitsineruvoq, isumaqarpungalu inatsimmik siunnersuummik tusarniaaneq tuaviuussaavallaartoq, WWF-imi sulianik ataqatigiissaarisartoq, Kaare Winther Hansen, KNR-imut oqarpoq

Aalisarnermut Piniarnermullu Naalakkersuisup ernummatigaa, amaqqut eqqississimatitaaneri atorunnaarsinneqanngippat avanersuarmiut piniartagaat kujasinnerusumut nuussasut.

- Iliuuseqarneq tunngaveqarpoq, ukiuni kingullerni misilittakkat takutimmassuk, Qaanaap avannaatungaani tuttoqassutsimut umimmaqassutsimullu annertuumik sunniuteqarnerluttoq, Aalisarnermut Piniarnermullu Naalakkersuisoq Karl Kristian Kruse taama oqarpoq. taassuma sinnersuuutigaa umimmaat ukioq naallugu amarorniartoqarsinnaanissaanik.

AAMMA ATUARUK Amaqqut piniagaalernissaat Naalakkersuisut ammaakkusukkaat

WWF isumaqarpoq, siunnersuut tuaviuussaavallaartoq. Umimmaat piaqqiornerisa nalaani pisarineqartassappata, amerlassusiannut kinguneqarnerlussinnaasoq, WWF isumaqarpoq.

Amaqqut nungutaanissaanik kinguneqarnavianngitsoq Naalakkersuisoq isumaqarpoq.

- Amaqqut inoqarfinnut piniarfinnullu takkuttartut takkutissaarnissaannik, eqqissisimatitaanerisa atorunnaarsinneqarnissaanik siunertaqarnera amaqqut nungutaanissaanik nungutinniarneqarnerannik tunngaveqanngilaq, akornutaannginnissaanilli qulakkeerinninniarnerulluni, Aalisarnermut Piniarnermullu Naalakkersuisoq Karl Kristian Kruse taama oqarpoq. Siunnersuut akuerineqarpat jannuaarip aallaqqaataani atuutilissaaq. Amaqqut Tunup avannaarsuani nunami eqqissisimatitamiittut piniaqqusaannginnerat atuutiinnassaaq.

Inuussutissarsiutigalu piniartut kisimik amaqqunik pisaqarsinnaapput.

AAMMA ATUARUK Naalakkersuisoqarfiup amaqqut piniarneqarsinnaanissaat sulissutigigaa

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!