Amaqqut piniagaalernissaat Naalakkersuisut ammaakkusukkaat
Nunatsinni amaqqut ukiuni 29-ni eqqissisimatitaareersut piniagaanerat inerteqqutaajunnaartussanngorpoq.
Asseq toqqorsivimmit. Amaroq, Canadami Nunavumi Ellesmere Islandimi assilisaq
Allattoq Anton Gundersen Lihn
septembarip 06-at 2017 11:23
Nutserisoq Simon Uldum -
Amaqqut Nunatsinni eqqissisimatinneqarnissaat pillugu nalunaarutip 1988-imeersup atorunnaarsinnissaa pillugu nalunaarutissaq nutaaq, aalisarnermut piniarnermullu naalakkersuisup aggustip qaammataata naalernerani tusarniaassutigilerpaa.
AAMMA ATUARUK Naalakkersuisoqarfiup amaqqut piniarneqarsinnaanissaat sulissutigigaa
Inatsisissatut siunnersuut naapertorlugu, amaqqut inunnit inuussutissarsiutigalugu piniarnermut allagartalinnit ukioq naallugu piniarneqarsinnaassaapput, amaqqulli Nuna Allanngutsaaliugassatut Immikkoortitami eqqissisimatitaanerat atuutiinnassaaq.
Amaqqunik piniarnermi qoorortuut atorneqaqqusaapput, kiisartulli toqunartullu atoqqusaassanngillat.
Tuttunniarneq umimmanniarnerlu assingalugit, timmisartut, qulimiguullit assartuutillu motoorillit, soorlu qamuteralaat aamma ATV-t, amaqqunik piniarnermi malersuinermilu atornissaat inerteqqutaavoq.
Nalunaarutissaq septembarip 29-ata tungaanut tusarniaassutigineqarpoq.
