Assi: KNR Arkivfoto

Allamiunik sulisussarsinissamut malittarisassat sukateriffigineqartut

Nunanit allanit sulisussarsinissamut akuerineqarnissamik qinnuteqaatit kommuninit sapaatit akunneri marluk iluanni suliarineqarsimanngippata akuerineqaannartarneq siunissami atorunnaassaaq.

Kalaallit Nunaannut suliffissarsiortut killilersimaarnissaat pillugu inatsisip allanngortinneqarnissaanik siunnersuut Inatsisartuni ippassaq pingajussaaneerneqarpoq, akueralugu taasisut 19-iupput itigartitsisullu pingasuullutik.
 
Malitarisassat nutaat naapertorlugit kommunit sapinngisamik ullut 14-it qaangiutsinnagit aalajangeereertussaapput, nutaartaali tassaavoq kommunit piffissaliussamik eqquutsitsinngippata nunatsinni suliffeqarfiit nunanit allanit sulisussarsinissamut akuersissummik piinnartarnerisa atorunnaarnissaa.
 
Aamma kommunit aalajangiinissaminnut paasissutissanik amerlanerusunik takussutissanilluunniit pisariaqartitsissagunik piffissaliussamik sivitsuinissaminnut periarfissaqalissapput.

AAMMA ATUARUK Malittarisassat sukannersut ajornakusoortitsipput

Taamatullu allannguuteqartitsisoqarneratigut suliffiit amerlanerusut nunaqavissunik inuttalerneqartalernissaat Naalakkersuisut neriuutigaat, Sulisitsisulli peqatigiiffiata GE-p malittarisassat allanngortinneqarnerat nuannarivallaanngilaa.
 
Sulisitsisummi peqatigiiffiata oktobarimi erseqqissaatigaa nunatsinni suliffeqarfiit nunanit allanit sulisussanik atorfinitsitsisariaqartarnerat nunatsinni sulisussanik pisariaqartinneqartunik pissarsiassaqannginneranik pissuteqartoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!