Agathe Fontainip isornartorsiorneqarnini illuatungilerpaa

Tarnimikkut napparsimasut pisariaqartitaminnik ikiorneqanngitsut politiinillu tigusarineqartartut peqqinnissaqarfimmit naammattumik ikiorneqartannginnerat, Astrid Fleischer Reximit isornartorsiorneqartoq, peqqissutsimit naalakkersuisumit illuatungilerneqarpoq.
Allattoq Louise M. Kleemann
decembarip 01-at 2010 04:53

Tarnimikkut napparsimasunik immikkut isumagineqartariaqartunik peqarnera naalakkersuisut eqqumaffigigaat, Agathe Fontainip akissuteqaammini oqaatigaa.

Nassuiaat tarnimikkut nappaatilinnut tunngasunik erseqqissaatitalik Agathe Fontainip inatsisartunut upernaaq saqqummiuppaa.

Nassuiaammilu kaammattuutigineqartut piviusunngortinneqarnissaat maanna sulissutigineqartoq, Agathe Fontainip erseqqissaatigaa.

- Tarnimigut napparsimasoq katsorsartikkumanngippat peqqinnissaqarfiup taamaallaat akuersitinniarsarisinnaavaa. Napparsimasoq katsorsartikkumanngiinnarpat isumaginnittoqarfik ilaatigullu aamma politiit akuliutsinneqartariaqarsinnaasarput. Pinngitsaaliissummik unitsitsisoqartariaqartillugu politiit, peqqinnissaqarfiup isumaginnittoqarfiullu akornanni erseqqissumik suleriaaseqartoqartareerpoq, Agathe Fontain akissuteqaammini oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq