VIDEO Aallarnisaasup Inatsisartunit tapersersorneqarnissani neriuutigaa
Anders Zeebip suliffeqarfini MUDAHULA aallutarilluarpaa, pequtit orpimmik sanaartukkat ukiut arlallit sanaartorpai. Sanaartussallunili unammillernaqaaq, siunnersorneqartuugunilu iluaqutigingaatsiassagaluarpaa.
-Pappilissat immersugassat, akileraarutillu. Maani siunnersorneqarnissara amigaatigisimavara.
- Qanoq suliassamut pilersaarusiortoqarsinnaanersoq, suliffeqarfiliornissamut qanoq pitsaasumik pilersaarusiortoqarsinnaanersoq, tamanna maqaasimavara, KNR-imut oqaatigaa.
Aamma atuaruk Per Rosing-Petersenip nunatsinni pissutsit apartheidimut assersuuppai
Nuummi pisinniarfimmut sannavimmullu pisinniat amerlapput. Anders Zeebip suliassat angumeriniarlugit sanasoq Kim O. Petersen suleqatigivaa, suliffeqarfimmini aamma praktikertoqarpoq.
Aningaasanik aallartitsiniartut ikiuilluni allaffeqatigiittarnissamullu aaqqissuusamut immikkoortitsinissaq Inatsisissatut siunnersuutigaa, aallarnisaasut aallartisarnermini qaammatit 24-it tungaanut pikkorissassapput siunnersorneqarlutillu. Anders Zeebillu isumassarsialattut isigaa.
- Amerlasuunut iluaqutaasinnaassaqaaq, aallarnisaasut pikkorissut amerlasoorpassuupput, amerlasuullu isumassarsisarput pitsaalluinnartunik. Taamaammat ikiorneqarsinnaappata ikorfartorneqarnsinnaallutillu tamanna tamanut pitsaassaqaaq, aallarnisaasoq oqarpoq.
Siunnersuut siullermeerneqarmat Inatsisartunut ilaasortat amerlanerussuteqartut akuerivaat, Inuussutissarsiornermut ataatsimiitsitaliamullu ingerlateqqinneqarluni. Parti Naleqqaminngaanniit sakkortuumik kisimi isornartorsiorneqarpoq.
Partiip siunnersuutip siunertaa isumaqatigaa, kikkulli ikiorneqarsinnaanerinut tunngasoq eqqarsarnartoqartippaa.