Assi: Arktisk Kommando, Palle Lauritsen

Tassaarsuartoqarnerani eqqugaasut Aalisartut piniartullu annaasamminnik taarsiiffigitissapput

Tassaarsuartoqanerani Nuugaatsiami Illorsuarmilu piniartut aalisartullu atortuminnik annaasaqartut maanna ikiorneqalerput.

Røde Kors, Qaasuitsup Kommunia aamma Naalakkersuisut allaffeqarfiat taama isumaqatigissuteqarsimallutik pingasunngornermi tusagassiuutinut nalunaaruteqarput.

Juunip ulluisa 17-anni tassaarsuartoqarmat nunaqarfiit Illorsuit Nuugaatsiarlu eqqorneqarmat inuussutissarsiutigalugu piniartut aalisartullu atortutik angallatitsillu annaavaat.

AAMMA ATUARUK Tassaarsuarneranit eqqugaasut taperserneqarluartut

Maanna aalisartut piniartullu umiatsiaaqqanik piniutinillu annaasaminnik taarsiivigineqartussanngorput.

Isumaqatigiissutigineqarpoq, Qaasuitsup Kommunia umiatsiaaqqanik atortunillu pisiniassasoq, aningaasallu katersorneqartut tunniunneqartullu atorlugit Røde Korsip aningaasartuutigissagai  

Qaasuitsup Kommuniata inuussutissarsiorlutik aalisartut piniartullu annaasimasaat allattorpai matumanilu annaaneqartunut sanilliullugit aningaasanik katersorneqartunik tunissutigineqartunillu akissaqartinneqartut pingaarnersiorneqassallutik.

AAMMA ATUARUK Ajunaarnersuarmut aningaasartuutit nunap karsianit pissarsiarineqassasut

Eqqorneqartut sapinngisamik piaartumik aallartitsisinnaanissaat pillugu pisiniarnerit sapinngisamik piaartumik naammassiniarneqassapput., Kommune taama ilisimatitsivoq

Naalakkersuisut kiisalu Qaasuitsup Kommunia, minnerunngitsumillu innuttaasut eqqugaasut sinnerlugit Røde Korsimut aammalu tapiissuteqarsimasunut, suliniummik matuminnga piviusunngortitsisunut qujangaarpugut, tusagassiuutinut nalunaarumi taama oqarput.

Inuussutissarsiorlutik aalisartut piniartullu Nuugaatsiarmiut Illorsuarmiullu umiatsiaaqqanik atortunillu taarsiinissaq pillugu apeqqutissaqarunik Qaasuitsup Kommunianut saaffiginnissinnaasut, tusagassiuutinut nalunaarummi tamanna ilisimatitsissutigineqarpoq.

AAMMA ATUARUK Eqqugaasut Namminersorlutik Oqartussanit ikiorneqalersut

 

AAMMA ATUARUK Tassaarsuarneranit eqqugaasut taperserneqarluartut

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!