IA taarsiivoq: Aajap Ane Hansen taarseraa

Ane Hansen sulinngiffeqarluni avannaani kommunissami Kommune Qeqertalimmi borgmesterinngussaaq. Tamanna ilutigalugu IA-p gruppia aamma pisuunngujallassaaq, tassa folketingimi ilaasortaq, Aaja Chemnitz Larsen Inatsisartunit sulinngiffeqarunnaarluni Inuit Ataqatigiit gruppiannut ilanngutissaaq.

Inatsisartut marluk suliffigilernissaat qilanaaralugu, Aaja Chemnitz Larsen tusagassiutinut nalunaarummi allappoq. 

- Inatsisartuni Inuit Ataqatigiit sulinerannut ilanngunnissara, taamaalillungalu Folketingimi Inatsisartunilu sulianik qanimut malinnaalernissara qilanaareqaara, Chemnitz Larsen oqarpoq.

Ane Hansenip Aaja Chemnitz Larsenimit taarserneqarnissani aamma nuannaarutigaa: 

- Suliassaq uannut isumagisassanngortinneqartoq tigussavara, inuullu piginnaanertuup Aajap ilaasortaajunnaarninni Inatsisartunut ilaasortanngoqqinnissaa nuannaarutigeqaara, Hansen oqarpoq.

Taamaalilluni Aaja Chemnitz Larsen marloqiusamik, tassa kalaallit danskillu inatsisartui atuuffigilissavai. Ane Hansen aamma marlunnik atuuffeqaraluarpoq, tassa Kommune Qeqertalimmi ikaarsaariarnermut ataatsimiititaliami kiisalu Inatsisartuni atuuffeqaraluarluni.