Ukioq manna avaleraasartoortassat aalajangersarneqartut

Avaleraarsartoortassiinermi pisassiissutit ikinnerit allamiut aalisariutaataannit aalisarneqarnissaat anguniagaavoq.
Namminersorlutik Oqartussat tusagassiorfinnut nalunaarutaanni taama allassimavoq.

Pisassiissutigineqartut immikkoortunut marlunnut avinneqarput.

Pisassiissutigineqartuni siullerni pisassiissutigineqartut aalisariutinik nunatsinneersunit aalisarneqassapput taakkununngalu  46.365 tonsit pisassiissutigineqarput.

Avaleraasartoortassiissutigineqartut 75 procentii kalaallit aaliusariutaannit aalisarneqassapput sinneruttullu 25 procentit aalisariutinik attartukkanik, erfalasutsinnik erfalasulikkanik aalisarneqassallutik.

AAMMA ATUARUK Enoksen pisassiiaartoqarnissaanik neriorsuisoq

Immikkoortut aappaanni pisassiissutinit 20.000 tonsit ingerlatseqatigiiffinnut namminneerlutik aalisariuteqanngitsunut agguaanneqassapput.

 Ingerlatseqatigiiffiit piumasaqaatinik arlalinnik naammassinnissimassapput. Aalisarnermit imaluunniit aalisakkanik tunisassiornermik allanik ilaatigut suliaqareersimassallutik.   

- Nunatta imartaani aalisakkanik ikerinnarsiortunik aalisarnerup ineriartortinneqarneranut pingaaruteqartorujussuuvoq aalisariutit nunatsinneersut aalisakkanik ikerinnarsiortunik tamakkiisumik aalisaleriartuaartinneqarnissaat, aalisarnermut piniarnermullu naalakkersuisoq Hans Enoksen tusagassiorfinnut nalunaarummi taama oqarpoq.

Nunarput avaleraasartoorniarnermut nunatut sinerialittut 2016-imi ukiakkut ilaalerpoq. Nunarpulli avaleraasartuut pillugit isumaqatigiissummut maannamut suli ilanngunneqanngilaq.

AAMMA ATUARUK Aalisartut umiarsuaatileqatigiillu appisaluutsittut