| KNR

01:00 Inuushow (a)
- Inuusuttuunermi misigineqartartut ulluinnarnilu pisartut sammisaralugit inuusuttunut aallakaatitassiaq. (Ippassaq aallakaateqqaarparput)
06:30 Silassaq
06:50 Pilluaqqussutit nalunaarutillu
06:58 Pilerisaarutit
07:00 Ullaatungaani aallakaatitassavut
07:05 Qilaliarfik
- - toqqorsivitsinneersoq. Qilaliarfik pillugu aallakaatitami pulaartigineqarpoq palasi soraarneq Saamo Kleinschmidt, Sisimiut /Aqqa Peter Lyberth, Sisimiut Tusaataat (2008-mi majip ulluisa aallaqqaataanni aallakaateqqaarparput)
07:35 Avatit eqqaannerugallarmata
- - toqqorsivitsinneersoq. Augustinus Augustinussen, Nanortalik, oqaluttuartipparput. Steffen Jensenip 1977-imi aallakaatitassiaa.
08:00 Oqaluttuarisaanerput alakkaterparput imm. 58 (a)
- Oqaluttuarisaanerput sammillugu atuakkiortut Hans Anthon Lynge aamma Aqqaluk Lynge peqatigalugit aallakaatitassiaq. 1960-ikkunnut ikaarsaalerneq, 1959-imilu qinersineq, tamatumalu nalaani pisut, ilinniarfiit, nutaanullu ikaarsaalerneq sammivagut. Aallakaatitassiortoq: Maliinannguaq Marcussen-Mølgaard (Aprilip ulluisa 30-anni aallakateqqaarparput)
09:00 Pilerisaarutit
09:02 Nipilersukkat
09:08 Silassaq
09:30 Naalaaruminarsinnaasut
- Aallakaatitassiaq inuunerup ingerlarnga pillugu eqqarsaatinik sammisaqarfik. Aaqqissuisoq: Nukaaraq Eugenius (Aallakaateqqissavarput arfininngorpat ullaakkut nal. 7:05)
09:40 Nipilersukkat oqinnerit
09:55 Naalagiarneq
- Qaqortumi Gjertrud Raschip Oqaluffianit naalagiarneq, toqqaannartumik aallakaatitaq. Oqaluussisoq: Palasi Parma Andersen Ajoqi: Nukánguak` Thor Møller Pattattoq: Organist Jens Adolfsen Geråe Tussiutigineqartussat: Tussiutitsinni nr. 599: Guutiga nersoruk, tarniga illit. Nr. 47: Inuuninni tamaani. Nr. 246: Qilammiu Ataataga upperfigisaraara. Nr. 238: Inerlugit tamaasa inuussutissavut. Nr. 519: Kristusip ilai tamassi. Oqaluffimmi teknikeri: Sika Frederiksen
11:00 Nipilersukkat oqinnerit
11:15 Sisimiut oqaluffiat
- - toqqorsivitsinneersoq. Oqaluffimmi isersimaqatigalugit oqaloqatigaagut palasi Jørgen Petersen aamma ilagiit sinniisaanni ilaasortaasoq Aqqaluartaa, Frederik Lennert. Hans Larsenip 1980-imi aallakaatitassiaa.

12:00 Pilerisaarutit
12:02 Ualimut aallakaatitassavut
12:05 Tunup avannaarsuanukarneq - 3:10
- - toqqorsivitsinneersoq. Nunatsinni ilisimasassarsiortoqartillugu kalaaleqativut angutit qimussersorineqartuartarput, ilisimasassarsiortulli tusaamasanngoraangata qimussersorineqartut tusaamasanngorneq ajorput. 1938-1939-mi tunup avannaarsuani ilisimasassarsiortunut peqataasimasoq Ove Rosbach oqaluttuartipparput. Helene Risagerip 1984-imi aallakaatitassiaa. (Imm. 4 aallakaatissavarput arfininngorpat nal. 12:05)
12:30 Pilluaqqussutit nalunaarutillu
12:40 Nipilersukkat
13:00 Pinngortitaleriffimmit
- Ilisimatusartut paasisaat suliaallu pillugit, Pinngortitaleriffik suleqatigalugu aallakaatitassiaq. Aallakaatitassiortoq: Evi Kreutzmann.
13:20 Nipilersukkat
13:30 Paarsisutoqqat - 2:5
- - toqqorsivitsinneersoq. Paarsisutoqqat misissuisullu. Stephen Heilmannip 2000-mi aallakaatitassiaa. (Imm. 3 aallakaatissavarput aqagu ualikkut marlup qeqqanut)
14:00 Radioavisi
14:05 Radioavisen
14:10 Qarasaq timilu suleqatigiisillugit
- Benjamin Kielsen meeraallunili arsaannermik soqutigisartuuvoq massakkullu utoqqasaani futsal-imi unammeqataasarluni. Benjamin ukiuni arlaqanngitsuni KAK-mi siulittaasutut atuuffeqarnikuusoq timersornerup silarsuaanik oqaluttuartipparput ilaatigut timersuutinik allanik sammisaqartarsimaneranik. Aallakaatitassiortoq: Uju Petersen
15:00 Inuuneruna nuannersumik atugassaq - 1:2
- - toqqorsivitsinneersoq. Aallakaatitassiani marluusuni immikkoortoq uani siullermi Uummannarmiu Johannes Mathiassen inuuneranit pisartunik misigisalersaartipparput. Aallakaatitassiortoq: Kaaleeraq Møller Andersen (Siullermik siorna julimi aallaakaatipparput, imm. 2 aallakaatissavarput arfininngorpat ualikkut pingasunut)
16:00 Nipilersukkat
16:30 Tamalaat (a)
- Dene Gamesimi nunanut allanut unammisartunut sungiusaasuusimasoq, Suulut Geisler, inuit issittormiut pinnguaataani inuttullu aqqusaagai aammalu maannakkut saqiffia sammivagut. Aallakaatitassiortoq: Andrea Christiansen. (Ippassaq aallakaateriigaq)
17:00 Timersoqatigiiffik Aqissiaq
- 1971-mi Maniitsumi timersoqatigiiffik pilersinneqarsimasoq Aqissiaq pillugu aallartitseqataasimasoq, siulersuisuniittarsimasumik ullumikkullu siulersuisuniittumik ilalerlugu misigisalikkersaartipparput. Aallakaatitassiortoq: Karl Davidsen
17:58 Pilerisaarutit

18:00 Radioavisi (a)
18:10 Radioavisen (g)
18:20 Reklamer
18:22 Nipilersukkat
18:30 Pilluaqqussutit nalunaarutillu
18:40 Silassaq
18:55 Unnugu unnuarulu radiomi aallakaatitassavut
19:00 Qeqqani Erinarsoqatigiissuit
- - toqqorsivitsinneersoq. Kulturikkut illorsuatsinni Katuami Qeqqani Erinarsoqatigiissuit naapisimaarneranni Maniitsup kommuniani erinarsoqatigiit tusarnaartitsinerannit 1998-imi immiussaq. Erinarsoqatigiit sinnerlugit tikilluaqqusisuuvoq Hansiinaaraq Heilmann. Immiussisuuvoq Katuami teknikeri Rene Bertram Olsen. Aallakaatitassiortuuvoq Peter Lynge. (Siullermik aallakaatipparput 1998-imi majip ulluisa qulingiluaanni)
20:00 Ilisaritipparput
- - toqqorsivitsinneersoq. Ukiorpassuarni allaffimmiutut, bilitsilerisutullu KGH-mi, KNI-mi, Royal Arctric Linemilu sulisimasoq, Eqalugaarsunni inunngortoq Erna Fleischer ilisaritipparput, ilaatigut Alluitsup Paani, Kangaamiunilu meeraanera, inuusuttuulluni ilinniartuunera, inersimasutullu suliai sammillutigit. Aallakaatitassiortoq: Maliinannguaq Marcussen-Mølgaard. (Siorna majip ulluisa 16-anni aallakaateqqaarparput)
20:50 Nipilersukkat
21:00 Atuagaq nangeqattaartoq
- Gestapop malersugai - Imm. 26:29 Svenskip aviisiliortup Stieg Trenterip atuakkiaani pinerluttulersaarummi oqaluttuarineqarpoq sorsunnersuup nalaani tyskit isertortukkut politiivisa malersukkaminnik qanoq piniaarinnittarnerat. Atuakkamik nutserisuuvoq Nikolaj Rosing. Atuffassisuulluni Ulloriannguaq Kristiansen. Atuagaq Atuakkiorfiup ukioq 1987 saqqummersippaa. (Aqagu ualikkut sisamanut aallakaateqissavarput, nanginnera sapaatiuppat unnukkut qulingiluanut aallakaatissavarput)
21:30 Nipilersukkat
21:45 Silassaq
22:00 Radioavisi (a)
22:10 Radioavisen (g)
22:20 Nipilersukkat
22:30 UNNUAANERANI RADIO