Timmisartorsuup Kangerluarsuarmiit Københavnimut ullumi ingerlaarnissaralua taamaatiinnarneqarpoq, timmisartorsuarmulli ilaasussat Københavnimut aqagu ingerlanneqassasut, Air Greenland-mit ilisimatitsissutigineqarpoq.
Timmisartorsuarmut ilaasussat 150-it Kangerlussuarmi akeqanngitsumik unnuisinneqassasut, Kangerlussuarmi timmisartoqarfimmit Jørgen Andersen ilisimatitsivoq.
Danmarkiliallu tamarmik ornikkaminnut anngunnissaat pillugu timmisartut marluk, Airbussi Boeing-ilu aqagu timmisartuussitinneqassapput, Airbussi aqqaneq qaangerlugu tanneq marlunut Boeinngilu ataatsinut tanneq tallimanut Kangerlussuarmit tingissapput.
Timmisartorsuup ullumi Danmarkiliarnissaraluanik unitsitsineq sinerissami timmisartuussinernut allanut annerusumik sunniuteqassanngitsoq, Air Greenland ilisimatitsivoq.