Inuit Ataqatigiit kisiartaallutik Uranimut akuersaanngillat

Inuit Ataqatigiit inatsisartunut qinersinerup kingorna inatsisartuni partiinik allanik peqateqarluni amerlanerussuteqassagaluarunik aatsitassanik piiaanermi uran aatsitassami piiaanermut ilaatillugu piaarneqarnissaanut aqqutsissiuunneqassaaq.

Partii Siumut Inuiat Ataqatigiittulllu Uran-ip piaarneqarnissaanut naaggaartuugaluarput, maannakkuli Siumut sinnerulugu inatsisartunut qinigassanngortittup Jonathan Motzfeldt-ip qineqqusaarnermi partiip Siumup isuma allanngorsimasoq saqqumiuppaa. Uran aatsitassanik allanik piaanermut atatillugu piaasoqarnissamut akuersinertik maannakkut partiip saqqumiuppaa.

Aatsitassarsioqatigiiiffik Greenland Minerals and Energy Narsap eqqaani kuannersuarmi aatsitassanik qaqutigoortunik maannakkut ujaasivoq, aatsitassallu piiarneqarsinnaasut piiarneqalerpata Uran-imik akoqarnissaat naatsorsuutigineqarpoq.