Inunnik isumasiuinerup takutippaa Inuit Ataqatigiit taaguunneqangaatsiassagaluartut

Sermitsiap qinersisartunik isumasiuinera naapertorlugu Inuit Ataqatigiit 49 procentinit taaguunneqassagaluarput ullumikkut qinersisoqartuugaluarpat. Isumasiuinerilli taamaattut apeqquserneqarsinnaasut, naliliisartup Sten Lundip oqaatigaa.
Skrevet af Mads Lynge
20. april 2009 12:32

- Isumasiuinermi arlaleriarluni taasisoqarsinnaavoq. Nammineerlunga misilikkakku tamanna paasivara. Inuit aalajangersimasut aamma Sermitsiamut isertartuupput. Taamaasilluni isumasiuineq eqqarsarnartoqarsinnaavoq, Sten Lund oqarpoq, nangillunilu:

- Isumasiuineq soorunami soqutiginaateqarpoq, naalakkersuisulli ukiuni kingullerni ingerlatsinerat qinersisartunit apeqquserneqartarpoq, nutarterinissamillu aamma piumasaqartoqartalerluni. Maluginiagassaasorli aamma tassaavoq qinersisartut qinersivimmut iseraangamik nalunngisatik taakkajuttaraat, qinersinermi naliliisartoq Sten Lund oqarpoq. Ullumikkut qinersisoqartuugaluarpat naalakkersuisoqatigiit katillugit 24 procentinit taaguunneqassagaluarput. Siumut 19 procentinit Atassut 5 procentinit taaguunneqassagaluaramik.

Demokraatit 20 procentinit taaguunneqassagaluarput. Inuit katillugit 2296-it Sermitsiap nittartagaatigut qinersisuusaartinneqarput.

Læs også

Døgnrapport: Indbrud og flere forsøg på indbrud natten igennem