Umimmammit neqqaarinneq bøfiliassaq

Umimmammit neqqaarinneq bøfiliassaq

Illugalugit:

Pupiit portobellot timianillit

Sorlaat akuleriit aserortikkat

Naatsiiat iffiorfikkut uutat

Aamma miseraq rødvinitalik

 

Pupiit sukuiarneqarsimasut olivenoliemik kuerarneqassapput, timianninik taratsunillu nakkalatsilaarlugit 45 min. miss. Iffiorfikkut 200 grader inut sianneqassapput.

Sorlaat assigiinngitsut (naatsiiat, rubiiat.guleruujut, persilleruujut, selleriit, assigisaallu) salillluarlugit qalipaajarneqareerpata 15 min qalatinneqassapput.

Qalappata immummik immuulluunniit qalipaanik akullugit aserorterneqassapput cremerpalaartunngorlugit. Naatitat kimiannik imerpallakkamik (grøntsagsbuillon) mamarsaaserneqarsinnaapput.

Naatsiiat angisuut salilluariarlugit qeqqisigut savimmik krydsilerlugit taratsunik nakkalatsilaarlugit  iffiorfikkut supoortulikkut 200 gradimut 1½ time  uunneqassapput

Siatsivimmut punneq kajortinneqareerpat neqi minutsit marluk (illua  2 min mumereerpat aamma illua 2 min ) sianneqassaaq. Taratserlugulu  qasilluttulerneqassaaq.  Siareerpat sassaalliutigitinnagu siannerata sivisoqataanik (4 min) uninngatinneqassaaq issera uninngatinniarlugu.

Neqimik siatsivikumut uanitsut hvidløgillu siaasarneqassapput. Taamaalereerpata rødvinimik, builloninillu nersussuup neqaaneersumit naatitaneersumillu akuneqarluni miseraq sallaatsumik qalaartinneqassaaq naggataatigullu kinersaaserlugu.

Neqi sassaalliutigineqassaaq illulerlugu makkunannga:  naatsiiaq punnilerlugu, sorlanniit cremeliamik, pupiit  siatat  miserarlu . Tomatiaqqanik persillinillu pinnersaaserneqarsinnaapput.