Radio

Qanoq podcastertarpat?

 

Podcasterniaruit ima iliussaatit

Maanna KNR-ip radiokkut aallakaatitai podcastitut saqqummerput. Podcast tassaavoq aallakaatitaq nipitut aaneqarsinnaasoq, podcastillu internettikkut aaneqarsinnaapput. KNR-ip podcastii uani aasinnaavatit knr.gl/podcast. Podcastit toqqaannartumik qaraasiakkut mobiilikkulluunniit tusarnaarneqarsinnaapput, taamaattorli aamma immikkoortukkuutaarlugit pisartagarilersinnaavatit, taamaaliussaguillu app-it arlaat atortariaqarpat.

Podcast app-it aakkit

Podcasterniaruit app-it assigiinngitsut atornissaat periarfissaraat.
Androidilinnik mobiililinnut app-it Podcast Republic imaluunniit Beyondpod atorneqarsinnaapput, taakkulu Google Playikkut aaneqassapput.
iOS-ilinnut app-eq iPhoneneereersoq Podcast App atorsinnaavat. Aammali Overcast imaluunniit Downcast periarfissaapput, appstorekkut aasassaallutik.  

App-it amerlanerit akeqanngillat.

Computerikkut podcasterniaruit Itunes aqqutigissagit siunnersuutigissavarput, taannami Mac-imut PC-imullu tulluarsagaavoq. Aammali programmit internetikkoortut atorneqarsinnaapput, tassaasut Stitcher aamma Pocket Casts PC-mut (PC-mut Pocket Casts ugguuna aasinnaavat). App-it taakku aqqutigalugit KNR-ip aallakaatitassiai aasinnaavatit pisartagarilerlugilluunniit.

Nunarsuatsinni podcastit tuluttoortut danskisoortullu silarsuaat annertoqaaq, maannalu nunatsinni podastit silarsuaat annertusiartuinnarpoq. Podcastit misissuataarniarukkit google aqqutigalugu ujarlerneq pisariinneqarpaavoq. 

tunein_googleplus-1-631x355.jpg

KNR mobiilikkut tusarnaaruk

TuneIn-ip Appia innersuussutigaarput
KNR Kalaallit Nunaata Radioa
toqqaruk.
Akeqanngitsoq aajuk:

 

Soorunalimi aamma nittartagarput mobiilimut naleqqussagaq alakkarsinnaavat.
KNR.gl/radio, Player: knr.gl/radio/live