Tunnullit amerlanersaat talerpiusut
Tunnullit amerlanersaat uatsitulli talerpiupput. Ilisimatusarnermi nutaami tamanna paasineqartoq, DR.dk-mi atuarneqarsinnaavoq.
Allattoq Jonas Fievé
Nutserisoq Simon Uldum -
Arferit uatsitulli assaqanngikkaluartut saamiunersut talerpiunersulluunniit maanna paasineqarsinnaanngorpoq.
Ilisimatusaatigineqartoq nutaaq naapertorlugu, arferit illeqqanik qaamasartunik neriniarlutik aatsannginnerminni talerpimmut kaajallaqqaartarput.
Taamatullu kaajallattarnerat tunnullit illeqqat qaamasartut ataatsimoortut qanillattuleraangamikkit iliuuserisartagaasa 90 procenterisaraat, DR.dk taama allappoq.
Tunnullilli talerpiusut illeqqanik qaamasartunik neriniarlutik itinersuarmit qullariartornerminni saamertik aamma atortarpaat. Qullariartortillutimmi tamatigorluinnangajammik saamimmut kaajallaqqaartarput.