Nipisat suaannik tunisineq nuna tamakkerlugu ammarneqarpoq
Taama nalunaaruteqarput Naalakkersuisut.
Sinerissami tamarmi aqutsiveqarfinni arfineq-marluusuni tamani suannik tunisineq aallartinneqarpoq.
Aqutsiveqarfiit marluk ullumikkut ammaneqartut taaguuteqartinneqarput 1Ba aamma 1A , Aqutsiveqarfiullu kujammut killeqarfiata Nassuttuup paava naleqqatigigajappaa.
Aqutsiveqarfimmi 1Ba-mi nipisat suaat 279 tonsit pisassiissutaapput, 1A-mi 63 tonsit pisassiissutaallutik.
Aamma atuaruk Nipisaat amerlassusaat ilisimaneqanngilaq
Nipisat suaannik tunisineq unitsinneqassaaq pisassiissutigineqartut tamakkerneqarsimaleriarpata, imaluunniit ullut aalisarfiusussat 47-it nallerneqarpata. Tallimanngorneq juunip 26-at tassaavoq ulloq tunisiffissaq kingullerpaaq, pisassiissutit nungoreersimanngippata, Naalakkersuisut nalunaaruteqarlutik taama allapput.
