Inatsisartut ukiakkut ataatsimiinnerat ullumi aallartissaaq
Inatsisinik atuutsitsinermut naalakkersuisup Mala Høy Kúkop siunnersuutaa, tassalu video atorlugu meeqqat apersorneqartarnerannut ukiut killissaliussat ukiunit 12-init 15-inut qaffatsinneqarnissaannut tunngasoq Inatsisartunit ullumi oqallisigineqassaaq.
Oqaluuserisassani 111-iusuni taakkunnga ilaavoq mittarfinnik pilersaarusiornissamut sanaartornissamullu Naalakkersuisut peqquneqarnissaannik Inatsisartut aalajangiiffigisassaattut siunnersuut.
AAMMA ATUARUK Oqaluuserisassat 111-t
Inatsisartut suleriaasianni malittarisassat nutaat atuutileqqammerput, tamatumalu kinguneranik Inatsisartuni ilaasortat apeqquteqaat tunngavigalugu oqaluuserisassanik ingerlaavartumik oqaluuserisassanngortitsisinnaallutik.
Tamatuma saniatigut apeqquteqaat aallaavigalugu oqallinnerit kingorna Inatsisartunit oqaaseqaasiortoqartassaaq.