”Nerisassiassaatigut” akissarsitikkaat

Februaari qaammat Gourmand World Cookbook Parisimi ingerlanneqartumi – Nerisassiassaatigut – Kalaallit Nunaanni nerisassiornermik ilitsersuutit pitsaanersaattut akissarsitippaat. Akissarsitinneqarnerata saniatigut Skandinaviami – Norgemi, Sverigemi, Finlandimi, Islandimi, Danmarkimi, Nunatsinni, Savalimmiuni Ålandimilu nerisassat pillugit atuakkat saqqummersitat hunnojurut arlallit akornanni unammisitsinermi – normu 5-inngoqqinnaarluni inissinneqarpoq.
marsip 22-at 2013 09:42

Atuagaq KNIp pilerisaarinermi suliaqartut Marketsquare inuussutissalerinermillu ilinniarfik Inuili suleqatigalugit saqqummersippaa, atuakkami Nunatta pissarititaasa nutaalianngorlugit nerisassiarineqarsinnaanerat saqqummiunneqarluni. Atuakkap siuleqataa Prins Henrik-ip Nunatsinnut nuannarinninni erserseqqillugu allappaa. Nerisassiat assigiinngitsut ilai atuakkiortup tusagassiortullu Finn Jørn Jakobsenip allaaserigai nerisassianik assitaliussat kusanartut assiliisartup Bjarne Sørensenip assilisaarpai.

”Atuakkap Kalaallit Nunaata avataani aamma maluginiarneqarsimanera nuannaarutigaarput”, KNI-mi nioqqutissanik piniartarnermik pilerisaarinermilu pisortaq oqarpoq. “Atuakkamik saqqummersitsinermi nerisassiassaatitta immikkuullarissut ilisimaarineqarnerulernissaat siunertat ilagaat. Danmarkimi Nunatsinnilu amerlaqisunik tunisaqarnikuuvugut, saqqummersitsinissamillu ilungersuutiginnissimanerput imminut akilerpoq”.

Nerisassiassaatigut atugaarniarfinni Pilersuisullu pisiniarfiini tamani pisiarineqarsinnaavoq.