”Kemiske Ali” toqumut pillagassanngortinneqarpoq
Irakimiut naalakkersuinikkut aqutsisuisa ullumikkut akuersissutigaat Ali Hassan al-Majeed, ”Kemiske Ali”-tut ilisimaneqarnerusoq toqumut pillagassanngortinneqassasoq. Irakimi pisortat tv-qarfiat taama nalunaarpoq.
Allattoq Louise M. Kleemann
februaarip 29-at 2008 08:38
Ali Hassan al-Majeed, kisermaassilluni naalakkersuisup Saddam Husseinip nalaani, Irakimi illersornissamut ministeriuvoq, aamma taanna illoraa. Kemiske Ali siorna juunimi toqumut pillagassanngortinneqarpoq, 1980-ikkunni Kurderinik Irakimiittunik inuiannik toqoraasut pingaarnersaattut pisuutinneqarluni. Taamanikkut ilaatigut gassi toqunartoq atorlugu toqoraavoq – taamaattumillu taaneqartalerluni ”Kemiske Ali”.
Kemiske Ali juunimi eqqartuunneqarnermi kinguninnguagut pillagaalluni nivinngarneqartussaagaluarpoq, nivinngagaanissaali præsidentip atsiorumajunnaarsimagaluarmagu, maanna toqumut pillagaanissaa ullut 30-t qaangiutsinnagit pissasoq aalajangiunneqarpoq.
