Øystein Slettemark sungiusarluni angusaqarluarpoq
Sisorarluni ooqattaasarnermi nunarsuaq tamakkerlugu pissartanngorniunnissamut Øystein Slettemarkip Østrigimi sungiusarsimanera naggasiutigeriartigu, Øystein Slettemark ujakkaarluni sungiusarpoq,
Ujakkaarneq taanna nalinginnaasumik kilomerinik 60-inik isorartussuseqartarpoq, aputeqanngippallaarnerali pissutigalugu arpaffissaq 11 kilometerimut naalisittariaqarsimavaa. Kisiannili aqqut kilometerit qulingiluat siulliit qummukajaajusimavoq.
Peqataasut 200-simapput, Slettemarkilu nr. 5-isut inissippoq, ajugaasumit 57 sekundtinik kingulliulluni, nr. 3-ngortoq ajuaasumit 16 sekundimik kingulliuvoq.
- Arpalluaqalunga misigisimavunga. 1500 meterimik qutsitsigisumi unammigaluarluta aqqutaa tamaat ingerlalluarpunga, Slettemark unammereernerup kinguninngua unnersiorpoq.
