Øystein Slettemark OL-imut annguteqqippoq
Sisoraatinik ujakkaarluni unammisartoq Øystein Slettemark danskit olympeademut peqataanissamut piumasaqaataannut annguteqqippoq. Tamanna pivoq Italiami Antholzimi 14.000-inik isiginnaartoqartumi.
Allattoq Jaaku Lyberth
- Unamminerup naammassingajalernerani nukikka tamaasa atorpakka. Olympeademut peqataanissamut angusassat piumasaqaataasut sekundinik 20-nik ataallugit annguppunga, tassalu unamminermi tassani pingajussaa taamatut angusaqarpunga, Øystein Slettemark oqarpoq.
Ooqattaasarluni unamminermi Slettemark iluatitsivallaanngilaq, taamaattorli ujakkaarluni unamminermi Slettemark angusarissaarpoq.
Øystein Slettemark ukiuunerani olympeademi unamminissamut peqataassanersoq aqagu aalajangiiffigineqassaaq. Ukiuunerani olympeademik pissartanngorniunneq Canadami Vancouverimi februaarip qaammataanni ingerlanneqassaaq.