Øystein Slettemark angusarissaarpoq
Sisorarluni ooqattaasartartup, Øystein Slettemarkip, Vancouverimi 2010-imi OL-eqarnissaanut anngunniunnermut piumasaqaatit kingullermik unamminermini angusaqarluarfigai. Tusagassiutinut taama nalunaarpoq Kalaallit Nunaanni Biathlonertartut Kattuffiat.
januaarip 09-at 2008 06:20
Slettemarkip Tysklandimi illoqarfimmi Oberhofimi ujakkaarluni ooqattaasarnermini piumasaqaatigineqartut sekundinik 25-nik sukkanerusumik naammassivai, normu 92-itullu inissippoq, tamannalu naammagisimaaqaa.
- Pitsaanerpaamik arpanngikkaluarpunga, misigisimavungali suli angusarissaarnerusinnaallunga. Maanna qilanaarisara tassaavoq Tysklandimi illoqarfimmi Ruhpoldingimi sapaatip akunnerata tulliani ingerlaqqinnissara, tamatumalu kingorna Italiami Antholzimi aamma pisussaq qilanaareqaara, Antholzimimi qaqqartuvoq, tamaanilu sungiusartarnera nuannareqaara, Øystein Slettemark oqarpoq.
- OL-imut anngunniunnermi angusarissaarnera Sverigimi februaarip qiteqqunnerani VM-eqarnissaanut pingaaruteqaqaaq, Slettemark naggasiivoq.
